جوعارعى سوت استانانىڭ بۇرىنعى اكىمدەرىنىڭ ءبىرى ادىلبەك جاقسىبەكوۆتىڭ بالالار ءۇيىنىڭ تاربيەلەنۋشىسىن ءۇي كەزەگىنە قويۋدان باس تارتۋى زاڭسىز دەپ تانىلعانىن حابارلادى.
جوعارعى سوت مالىمەتىنشە، جابىرلەنۋشى 1995 جىلدان باستاپ اقمولا وبلىسى ساندىقتاۋ اۋدانى ساندىقتاۋ اۋىلىنداعى بالالار ۇيىندە تاربيەلەنىپ كەلگەن. 2005 جىلعى ساۋىردە بالالار ءۇيىنىڭ ديرەكتورى استانا اكىمىنە تاربيەلەنۋشىسىن مەملەكەتتىك ءتۇرعىنۇي قور ەسەبىنەن نەمەسە تۇرۋعا جارايتىن وزگە باسپانامەن قامتۋ جونىندە حات جولداعان. ول كەزدە قالانى ءومىرزاق شۇكەيەۆ باسقارىپ تۇرعان.
2014 جىلعى 26 جەلتوقساندا استانا اكىمدىگى تاربيەلەنۋشىنىڭ تۇرعىن ۇيگە مۇقتاجداردى ەسەپكە قويۋ تۋرالى ءوتىنىشىن قاراپ، وعان قالادا تۇراقتى تىركەلۋ تۋرالى مالىمەتتەردى ۇسىنۋ قاجەتتىگى تۋرالى حابارلاعان. وسى ماسەلە بويىنشا تالاپكەر جاۋاپكەرگە بىرنەشە رەت جۇگىنىپ، ءوزىن ءۇي كەزەگىنە قويۋدى قالپىنا كەلتىرۋ ءۇشىن نەگىز دەگەن جاۋاپ العان.
الايدا جوعارعى سوتتىڭ اكىمشىلىك ىستەر جونىندەگى سوت القاسى جەرگىلىكتى سوتتاردىڭ سوت اكتىلەرىن كۇشىندە قالدىرىپ، تالاپكەردى تۇرعىن ۇيگە مۇقتاجداردى ەسەپكە قويۋ قۇقىعىن قالپىنا كەلتىرۋدەن باس تارتۋعا نەگىزدەردىڭ جوقتىعىن اتاپ ءوتتى.
پىكىر قالدىرۋ