مەملەكەت باسشىسى ۋكراينا پرەزيدەنتى ۆلاديمير زەلەنسكييمەن تەلەفون ارقىلى سويلەستى.
ۋكراينا تاراپىنىڭ باستاماسى بويىنشا مەملەكەت باسشىسى قاسىم-جومارت توقايەۆ ۆلاديمير زەلەنسكييمەن تەلەفون ارقىلى سويلەستى. ەكى ەل باسشىلارى قازاقستان مەن ۋكراينا اراسىنداعى گۋمانيتارلىق بايلانىستار ماسەلەسىن تالقىلادى.
قاسىم-جومارت توقايەۆ رەسەي مەن ۋكراينا اراسىنداعى قارۋلى قاقتىعىستى بۇۇ جارعىسى مەن جالپىعا ورتاق حالىقارالىق قۇقىق نورمالارى نەگىزىندە ديپلوماتيالىق جولمەن شەشۋگە قاتىستى قازاقستاننىڭ ۇستانىمىن راستادى.
ۋكراينا تاراپى كەلىسسوز نە تۋرالى بولعانى جونىندە اقپارات تاراتپادى.
سوڭعى رەت زەلەنسكيي مەن توقايەۆ 2022 جىلدىڭ شىلدە ايىندا ۋكراينا مەن قازاقستان اراسىنداعى ديپلوماتيالىق قاتىناستىڭ 30 جىلدىعىنا بايلانىستى تەلەفون ارقىلى كەلىسسوزدەر جۇرگىزدى. كەلىسسوز كەزىندە تاراپتار ۋكراين استىعىنىڭ ەكسپورتىن تالقىلادى. سونىمەن بىرگە توقايەۆ ۋكراينانى يادرولىق قارۋسىز مەملەكەت دەپ تانۋ جانە كييەۆتىڭ كەز كەلگەن كواليسياعا مۇشە بولۋدان باس تارتۋى داعدارىستى ەڭسەرۋدىڭ ەڭ جاقسى نۇسقاسى ەكەنىن ايتتى.
پىكىر قالدىرۋ