ساياساتكەر، جۋرناليست، "دات" گازەتىنىڭ جەتەكشىسى ەرمۇرات باپي ماجوريتارلىق ءتارتىپ بويىنشا ءماجىلىس سايلاۋىنا كانديدات كۋالىگىن الدى.
كانديدات سايلاۋعا الماتى قالاسىنان تۇسكەلى وتىر.
ەرمۇرات باپي 1959 جىلى 7 ناۋرىزدا شىعىس قازاقستان وبلىسى زايسان اۋدانى قارابۇلاق اۋىلىندا دۇنيەگە كەلگەن.
1985 جىلى ءقازمۋ-دى بىتىرگەن. ەڭبەك جولىن 1976 جىلى زايسان اۋدانى "دوستىق" گازەتىندە ءتىلشى بولىپ باستاعان.
ۋنيۆەرسيتەتتى بىتىرگەننەن كەيىن "كوممۋنيزم تۋى" گازەتىندە ءتىلشى، اعا ءتىلشى، ءبولىم مەڭگەرۋشىسى، "سوسياليستىك قازاقستان" گازەتىندە ءتىلشى، اعا ءتىلشى، قازاق راديوسى باس ديرەكتورىنىڭ ورىنباسارى، كوممەرسيالىق جانە تاپسىرىستىق باعىتتاعى باعدارلامالار رەداكسياسىنىڭ جەتەكشىسى بولعان.
1995-1997 جىلدارى ق ر پرەمەر ءمينيسترىنىڭ باسپا ءسوز قىزمەتى جەتەكشىسىنىڭ ورىنباسارى، 1998-1999 جىلدارى "رەفورما" ورتالىعىنىڭ كونسۋلتانتى قىزمەتتەرىن اتقارعان.
سوڭعى 25 جىلعا جۋىق ۋاقىتتا وپپوزيسيالىق گازەت شىعارۋمەن اينالىسادى. كاسىبي قىزمەتى ءۇشىن ءتۇرلى قىلمىستىق، تالاي مارتە اكىمشىلىك ىستەرگە تارتىلىپ، جىرناليستىك قىزمەتپەن شۇعىلدانۋىنا شەكتەۋ قويىلعان. سونىڭ سالدارىنان باسىلىم اتاۋىن بىرنەشە رەت وزگەرتۋگە تۋرا كەلىپ، شەكتەۋدى اينالىپ ءوتۋدىڭ ءتۇرلى تاسىلدەرىن تاپقان.
ءبىرشاما ۋاقىت وپپوزيسيالىق جالپىۇلتتىق سوسيال-دەموكراتيالىق پارتياعا جەتەكشىلىك ەتكەن.
پىكىر قالدىرۋ