مينيسترلىك حابارلاماسىندا، 2022 جىلعى قىركۇيەكتەن 2023 جىلعى 20 اقپانعا دەيىن الماتى جانە استانا قالالارىندا 6 جۋرناليست پەن بلوگەرگە، سونداي-اق 1 ادامعا قىزمەتىمەن بايلانىستى ءبىرقاتار قۇقىققا قارسى ارەكەتتەر جاسالعانى ايتىلادى.

"جابىرلەنۋشىلەرگە قاتىستى جىلجىمايتىن مۇلىككە قاساقانا زاقىم كەلتىرۋ، اۆتوكولىكتەردى ورتەۋ، ولارعا ءارتۇرلى زاتتاردى جونەلتۋ ارقىلى قورقىتۋ فاكتىلەرى، جابىرلەنۋشىلەردىڭ مەكەنجايلارى بويىنشا تەرروريزم اكتىسى تۋرالى كورىنەۋ جالعان حابارلامالار جانە ينتەرنەت جەلىسىندە دەربەس دەرەكتەرىن تاراتۋ فاكتىلەرى جاسالدى. وسى قىلمىستاردى اشۋ ءۇشىن ۆەدومستۆوارالىق جەدەل-تەرگەۋ توبى قۇرىلدى. ق ر قك 115 “ءقاۋىپ”، 147 “جەكە ومىرىنە قاتىستى مالىمەتتەردى تاراتۋ”، 158 “جۋرناليستىك قىزمەتكە كەدەرگى جاساۋ”، 202 “بوتەننىڭ مۇلكىن قاساقانا جويۋ”، 293 “بۇزاقىلىق” باپتارى بويىنشا 20 قىلمىستىق ءىس قوزعالدى" دەلىنگەن حابارلامادا.