الماتى قالاسى اكىمدىگى 8 ناۋرىز – حالىقارالىق ايەلدەر كۇنىندە الماتىدا فەمينيستەر ميتينگىن وتكىزۋگە رۇحسات بەردى. بۇل تۋرالى Feminita ۇيىمى حابارلادى.
"جۇرەكتەگى قۋانىشپەن 8 ناۋرىزداعى ايەلدەر فەمينيستىك ءميتيڭى وتەتىنىن حابارلاپ وتىرمىز. كەشە ءبىز الماتى قالاسى اكىمدىگىنەن رەسمي قاۋلى الدىق. الداعى ۋاقىتتا ءبىز ءميتيڭتىڭ قاجەتتىلىكتەرىنە قاراجات جيناۋدىڭ باستالۋى تۋرالى پوست جاريالايمىز، ءبىراق ازىرگە سىزدەرمەن جاقسى جاڭالىقتارمەن بولىسە وتىرىپ، بارشاڭىزدى 8 ناۋرىزدا كۇتەمىز!" دەلىنگەن ۇيىمنىڭ facebook پاراقشاسىنداعى جازبادا.
فەمينيستتىك ۇيىمدار بىرنەشە جىل قاتارىنان 8 ناۋرىزدا الماتىدا ميتينگ وتكىزىپ كەلەدى. الايدا بيىل قالا اكىمدىگى "ميتينگ وتكىزۋگە ارنالعان ورىندار بوس ەمەس" دەپ ميتينگكە رۇقسات بەرمەگەن. بۇعان قارسىلىق رەتىندە فەمينيستەر ميتينگ ءۇشىن ميتينگ دەگەن ۇرانمەن بەيبىت اكسيا ۇيىمداستىرعان. جۋىردا فەمبيكە، گەندەر تاقىرىبىن زەرتتەۋشى ايگەرىم قۇسايىن قىزى قامشى پورتالىنا سۇحبات بەرىپ، فەمينيستەر ميتينگ ارقىلى نە ايتقىسى كەلەتىنىن، قازاقستانداعى ايەل قۇقىعى ماسەلەلەرىن ءسوز ەتكەن.
♦ "ول قالاداعى سوڭعى ەركەك ەمەس". فەمينيستەر ميتينگى (فوتورەپورتاج)
پىكىر قالدىرۋ