2022 جىلدىڭ قاڭتارىمەن سالىستىرعاندا ءسۇت 32،9%-عا قىمباتتاعان. بۇل – ۇلتتىق ستاتيستيكا بيۋروسى مالىمەت جاريالاي باستاعان 2011 جىلدان بەرگى رەكوردتىق كورسەتكىش، دەپ جازادى Energyprom.kz سايتى.

مايلىلىعى 3،2%-4% پاستەرلەنگەن ءسۇت ءبىر جىلدا 31،2%-عا قىمباتتاسا، كىلەگەي 30%، مايلىلىعى 2،5% پاستەرلەنگەن ءسۇت باعاسى 28،8% وسكەن.

وڭىرلەر بويىنشا 2023 جىلعى قاڭتاردا مايلىلىعى 2،5% پاستەرلەنگەن ءسۇت باعاسىنىڭ جىل سايىنعى ءوسۋى 14،1%-دان 42،1%-عا دەيىن اۋىتقيدى.

مايلىلىعى 3،2%-4% پاستەرلەنگەن ءسۇت الماتىدا (43،5%)، سولتۇستىك قازاقستان (43،3%) جانە جەتىسۋ (36،2%) وبلىستارىندا ايتارلىقتاي قىمباتتاعان. باعا ەڭ از وسكەن ءوڭىر – اقتوبە وبلىسى: 5،9%.

2022 جىلدىڭ 12 ايىندا سەكتوردا وندىرىلگەن ءونىم كولەمى 573،3 مىڭ توننانى قۇراعان. بۇل 2021 جىلمەن سالىستىرعاندا 6،2% از.