اقش-تىڭ قىتايداعى ەلشىسى نيكولاس بەرنس Covid-19 ۆيرۋسىنا قاتىستى شىندىقتى ايتۋ كەرەگىن مالىمدەدى، دەپ جازادى BBC News.
"ءۇش جىل بۇرىن ۋحان قالاسىندا باستالعان ىندەت جونىندە شىندىقتى جاسىرماۋى كەرەك"، دەپ مالىمدەدى نيكولاس بەرنس.
بۇعان دەيىن ۆيرۋستىڭ ۋحانداعى زەرتحانادان شىققانى حابارلانعان ەدى. اقش-تىڭ ەنەرگەتيكا مينيسترلىگى قورىتىندىسى بويىنشا، ۆيرۋستىڭ تارالۋىنا زەرتحاناداعى قاۋىپسىزدىك شارالارىنىڭ دۇرىس ساقتالماۋى سەبەپ بولعان.
ال قىتايدىڭ سىرتقى ىستەر مينيسترلىگى ىندەتتىڭ شىعۋ تەگىن عىلىممەن بايلانىستى ەكەنىن، الايدا بۇل جاعدايدى ساياسيلاندىرۋعا بولمايتىنىن ايتتى.
بۇگىنگە دەيىن جاسالعان باسقا زەرتتەۋلەردىڭ قورىتىندىسى بويىنشا كوروناۆيرۋس ۋحانداعى حۋانان بازارىندا تەڭىز ونىمدەرى مەن جابايى جانۋارلاردان ادامعا جۇققان. الايدا امەريكالىق بارلاۋ قىزمەتى ۆيرۋستىڭ جانۋارلاردان جۇعۋ ىقتيمالدىعى تومەن ەكەنىن مالىمدەدى.
دەگەنمەن ۇلتتىق قاۋىپسىزدىك وكىلى دجون كيربي اقش پاندەميانىڭ تاراۋىنا قاتىستى ناقتى قورىتىندى جاساماعانىن ايتتى.
پىكىر قالدىرۋ