Qamshy.kz اقپاراتتىق اگەنتتىگى بۇگىنگى كۇننىڭ ەڭ ماڭىزدى جاڭالىقتارىن وقىرمان نازارىنا ۇسىنادى.
قازاقستان جاڭالىقتارى
ەنتوني بلينكەن: قىتايدىڭ رەسەيگە قارۋ-جاراق جەتكىزۋىنە الاڭداۋلىمىز
استانادا وتكەن بريفينگتە اقش-تىڭ مەملەكەتتىك حاتشىسى ەنتوني بلينكەن رەسەيگە قارسى سانكسيالاردىڭ كۇشەيتىلگەنىن ايتتى. ول جۇڭگو مەن رەسەيدىڭ ارىپتەستىگىنە جانە ۋكرايناعا قارسى سوعىستا قىتايدىڭ قارۋ-جاراقتى جەتكىزۋ ىقتيمالدىلىعىنا الاڭداۋلى ەكەنىن جەتكىزگەن.
رەسەي ازاماتتىعىن العان زەينەتكەر ەكى مەملەكەتتەن دە زەينەتاقى الىپ كەلگەن
قوس ازاماتتىعى بار زەينەتكەر 12 ملن تەڭگە تولەۋگە مىندەتتەلدى. ول قازاقستاندا 1995 جىلى زەينەتكە شىققان. كەيىن 2000 جىلى رەسەي ازاماتتىعىن العان. بۇگىنگە دەيىن رەسەي مەن قازاقستاننان زەينەتاقى الىپ كەلگەن. الايدا ايىپتالۋشى سوت ۇكىمىنە شاعىمداندى. ونىڭ پىكىرىنشە، قوس ازاماتتىق زەينەتاقىنى قايتارۋعا سەبەپ ەمەس.
اقش توقايەۆتىڭ ساياسي رەفورمالارىن قولدايدى
بۇل تۋرالى اقش-تىڭ مەملەكەتتىك حاتشىسى ەنتوني بلينكەننىڭ ساپارى اياقتالعاننان كەيىن سىرتقى ىستەر مينيسترلىگى حابارلادى.
"ەلدەر اراسىنداعى، اسىرەسە ىنتىماقتاستىقتىڭ ەكونوميكالىق جانە ينۆەستيسيالىق سالالارىنداعى قاتىناستاردىڭ بارلىق كەشەنىن ودان ءارى جانداندىرۋعا ءۇمىت ءبىلدىرىلدى"، دەلىنگەن حابارلامادا.
استانادان شىعاتىن جولداردىڭ بارلىعى جابىلدى
"قازاۆتوجول" حابارلاماسى بويىنشا، استانانىڭ تاس جولدارى اۋا رايىنىڭ ناشارلاۋىنا جانە قاتتى كوكتايعاققا بايلانىستى جابىلعان. ىشكى ىستەر مينيسترلىگى دە استانا تۇرعىندارىن الىس جولعا شىقپاۋعا شاقىردى.
الەم جاڭالىقتارى
گرەكيادا ەكى پويىز سوعىسىپ، 26 ادام قازا تاپتى
گرەكيانىڭ لاريسا قالاسىنا جاقىن ايماقتا جۇك پويىزى مەن جولاۋشىلار پويىزى سوعىسىپ، 16 ادام قازا تاپتى. اپاتتان كەمى 85 ادام جاراقات العان. ءقازىر جەدەل قۇتقارۋ جۇمىستارى جۇرگىزىلىپ جاتىر. ازىرگە اتالعان اپاتقا نە سەبەپ بولعانى بەلگىسىز. بەيرەسمي دەرەكتەردە جولاۋشىلار پويىزىندا 350 ادام بولعان.
تۇركياداعى مالاتيادا بولعان جەر سىلكىنىسىنەن 110 ادام زارداپ شەككەن
27 اقپاندا تۇركيانىڭ مالاتيا پروۆينسياسىندا 5،6 باللدىق جەر سىلكىنىسى بولعان ەدى. اتالعان ءزىلزالادان 110 ادامنىڭ زارداپ شەگىپ، 29 تۇرعىن ءۇيدىڭ قۇلاعانى حابارلاندى. ءۇيىندى استىنان 32 ادام قۇتقارىلعان.
پىكىر قالدىرۋ