قىزىلوردا وبلىسى اكىمدىگى ارال تەڭىزىنىڭ دەڭگەيى 2022 جىلدىڭ قازان ايىمەن سالىستىرعاندا 48 سانتيمەترگە ارتقانىن حابارلادى.

بىلتىر جىل بويى ارال تەڭىزىنە 816 ميلليون تەكشە مەتر سۋ قۇيىلسا، 2023 جىلعى ەكى اي ىشىندە 803 ميلليونعا جەتكەن. 

"ارال-سىرداريا باسسەيندىك ينسپەكسياسى باسشىسىنىڭ مىندەتىن اتقارۋشى زەينۋللا قازتوعانوۆ حابارلاعانداي، وسى ۋاقىتقا دەيىن سولتۇستىك ارال تەڭىزىنە جينالعان سۋ كولەمى 27،0 ملرد.تەكشە مەتردەن، 18،5 ملرد تەكشە مەترگە ازايىپ، سۋ دەڭگەيى 40،42 مبج (مەتر بالتىق جۇيەسىمەن) دەيىن تومەندەگەن بولاتىن. 2022 جىلدىڭ قازان ايىنان باستاپ بۇگىنگى تاڭعا تەڭىزدەگى سۋ دەڭگەيى 40،90 مبج (48 سانتيمەتر) كوتەرىلىپ، جينالعان سۋ كولەمى 19،7 ملرد تەكشە مەترگە ۇلعايدى"، – دەلىنگەن اكىمدىكتىڭ حابارلاماسىندا.