بۇل الەمدە وتان دەگەن ۇعىمنان ۇلى ۇعىم جوق. ال، ەر ازاماتتار مەن ازاماتشالار ءۇشىن وتان قورعاۋدان ارتىق باقىت جوق. ۇلى دالانىڭ ۇلى ۇرپاقتارىن وتان قورعاۋ ۇلى مەرەكەسىمەن قۇتتىقتايمىن. "ورمانسىز بۇلبۇل جەتىم، وتانسىز ۇرپاق جەتىم" دەپ اتام قازاق باعى زاماندا - اق وتان ءقادىرىن قۇت قۇلاققا قۇرىشتاي قورتىپ قۇيىپ كەتتى ەمەس پە؟!
تۋمىز بيىك، تۇعىرمىز بەرىك، ەلىمىز بەيبىت، جەرمىز امان بولسىن!

ۇرپاقتار وتانمىزدىڭ باتىر دا باتىل، ءبىلىمدى دە عىلىمدى، ونەرلى دە ونەگەلى ومىرشەڭ ازاماتتارىنان بولىپ وسە بەرسىن، قازاق مەملەكەتىنىڭ ابىرويىن الەم ەلدەرىنىڭ الدىندا اسقاقتا بەرسىن!!

بۇل جاي مەرەكە ەمەس. بۇل ۇلى مەرەكە، وتە مارتەبەلى مەرەكە، ۇلى تاۋەلسىزدىك مەرەكەسى. قاسيەتتى قازاق حالقىمىزدىڭ عاسىرلار بويى كۇرەسىپ، عاسىلار بويى ارمانداپ، ۇزاق اڭساپ قول جەتكىزگەن ەڭ قىمبات مەرەكەسى. ءبىز بۇل مەرەكەنى شىنايى سەزىنۋمىز ءارى شىنايى قاستەرلەۋمىز، ازاماتتىق ارىمىزبەن باعالمىز كەرەك!!

قاسيەتتى وتانمىزدى كوزىمىزدىڭ قاراشىعىنداي قورعاۋمىز، ايالاۋمىز كەرەك. بۇل ءاربىر قازاقستان ازاماتىنىڭ جان جۇرەگىمەن قابىلداۋعا جانە اتقارۋعا ءتيىستى پارىزى. ۇلى وتان الدىندا وتەۋگە ءتيىستى قارىزى...

وتتان - وتتان دا ىستىق. وتانسىز ادام تۇل جەتىم. ءبىز وتە ءتىل جەتكىسىز باقىتتى ۇرپاقپىز. ۇيتكەنى ءبىزدىڭ ۇلى وتانمىز بار. باقىتتى حالقىمىز بار. ۇلانعايىر جەرىمىز بار، سارقىلماس بايلىعىمىز بار. جەتىلگەن ەلدىڭ جەتى تاڭباسى بار، جەتەلى ۇرپاقپىز. سالتىمىز تولىق ساقتالعان، ءداستۇرمىز تولىق اتقارىلعان، جەتى اتادان قانىمىز بۇزىلماعان جەر بەتىندەگى ەڭ باقىتتى حالىقپىز!

بۇگىنگى وتان قورعاۋ، تاۋەلسىزدىك مەرەكەمىز قۇتتى بولسىن! ۇلى توي دەپ وسىنى ايتادى. وتانمىزدىڭ ءقادىر قىمباتىن باعالاي بىلەيىك. وتان قۇشاعىنداعى ءار اتقان تاڭىمىز باقىتتى!!

تاۋەلسىدىكتى الۋ قانشا قيىن بولسا، ونى الىپ ءجۇرۋ ودان دا قيىن، بارىنەن قيىنى ونى ماڭگىلىك ساقتاپ قالۋ. "وتان ءۇشىن وتقا ءتۇس كۇيمەيسىڭ" دەپ باۋىرجان باتىر اتامىز ۇلى وسيەتىن بارمىزگە قالتىرىپ كەتتى ەمەس پە!!

ۇلى مەرەكە قۇتتى بولسىن!!
ۇلى دالانىڭ ۇلى ۇرپاقتارى!!
ۇلى مەملەكەتتە وتان قورعاۋدىڭ الدىڭعى شەبىندە قاسقايىپ الدا جۇرەتىن ەكى سارباز بار. 

ءبىرى – قولىنا قارۋ العان باتىر ساربازدار. ەندى ءبىرى – قولىنا قالام العان قاس قالامگەرلەر. ولار مەمەلەكەتتىڭ قوس قاناتى. قارا ورمان حالقىم بار . ول – مەملەكەتتىڭ ءلۇپ - ءلۇپ سوعىپ تۇرعان جۇرەگى... ءوسىپ كەلە جاتقان ۇلى ۇرپاق بار . ول – ەلدىڭ ەرتەڭى، مەملەكەتتىڭ كەلەشەگى.

ۇلانعايىر جەرمىز بار. ول – مەملەكەتتىڭ سارقىلماس بايلىعى... بەرىك بەرەكەمىز بار. ول – ۇلتىمىزدىڭ قورعانى. باي قۇدىرەتتى ءتىلىمىز بار. ول – ۇلتىمىزدىڭ ابىرويى، توردە گەربىمىز بار. ول – مەملەكەتىمىزدىڭ التىن قازىعى، كوكتە جەبىرەگەن كوك تۋمىز بار. ول – مەملەكەتىمىزدىڭ اسقاق ايبىنى.

وتان قۇرعاپ شەگارا شەبىندە جۇرگەن، قولىنا قارۋ ۇستاعان، ايباتتى باتىر ساربازدارمىز بەن قولىنا قالام ۇستاعان ۇلت زيالىلارى امان بولسىن. جالپى حالقىمىز امان بولسىن، ۇرپاقتارمىز امان بولسىن. بەيبىت بەرەكەلى زامان بولسىن!!! ەل تۇتقاسىن ۇستاعان ارلى، ادال ازماتتارمىز امان بولسىن!!!

اق باستى اتالارمىز، اق شىلاۋىشتى انالامىز، اي ماڭداي ارۋلارمىز، باقىتتى بالالارىمىز امان بولسىن. اماندىق بار جەردە، ەش جاماندىق بولمايدى.

بولات بوپاي ۇلى