الماتىدا 31 مامىر كۇنى ساياسي قۋعىن-سۇرگىن قۇرباندارىن ەسكە الۋ كۇنىنە ارنالعان «تاريحقا تاعزىم» اتتى كونسەرت وتەدى.

ءىس-شارانى ق ر مادەنيەت جانە سپورت مينيسترلىگىنىڭ قولداۋىمەن جامبىل اتىنداعى قازاق مەملەكەتتىك فيلارمونياسى ۇيىمداستىرادى.

كونسەرتتە قازاقستاننىڭ ەڭبەك سىڭىرگەن ءارتىسى رامازان ستامعازييەۆ، قازاقستاننىڭ ەڭبەك سىڭىرگەن قايراتكەرلەرى ساۋلە جانپەيىسوۆا، ارداق يساتايەۆا، ەركىن شۇكىمانوۆ، نۇرجان جانپەيىسوۆ، نۇركەن ءاشىروۆ، باتىرجان مىقتىبايەۆ، قازاقستاننىڭ مادەنيەت قايراتكەرى مۇرات ابۋعازى، سونداي-اق مادەنيەت سالاسىنىڭ ۇزدىكتەرى مەن رەسپۋبليكالىق جانە حالىقارالىق بايقاۋلاردىڭ لاۋرەاتتارى ونەر كورسەتەدى.

كونسەرت «سازگەن سازى» فولكلورلى-ەتنوگرافيالىق ءانسامبلىنىڭ سۇيەمەلدەۋىمەن وتەدى.

باعدارلامادا: قاپەز بايعابىل ۇلى، قيسا كوپجان ۇلى، شانشار بەلدىبەك ۇلى، ابىكەن حاسانوۆ، ءابدى، ىقىلاس، قۇرمانعازى، ءپىشان جالمەندە ۇلى، سارى شولاق ۇلى، قاراتامىر وڭعار، شاكارىم قۇدايبەردى، كەنەن ازىربايەۆ، ءمىرجاقىپ دۋلاتوۆ، ساكەن سەيفۋللين، سۇگىر، بەيبىت اكوش جانە قورقىتتىڭ تۋىندىلارى جانە حالىق كۇيلەرى مەن اندەرى ورىندالادى.

وتەتىن ورنى: جامبىل اتىنداعى قازاق مەملەكەتتىك

فيلارمونياسىنىڭ ۇلكەن زالى (قالداياقوۆ، 35)

باستالۋى: ساعات 19.00