بەلارۋس پرەزيدەنتى الەكساندر لۋكاشەنكو قازاقستانعا يادرولىق قارۋ ءۇشىن رەسەي مەن بەلارۋس وداعىنا قوسىلۋدى ۇسىندى.
"قازاقستانمەن قاتار وزگە ەلدەر دە رەسەيمەن ءبىز سەكىلدى تىعىز قارىم–قاتىناس ورناتقانىنا ەشكىم قارسى بولمايدى دەپ ويلايمىن. قازاقستان بار بولعانى رەسەي مەن بەلارۋس وداعىنا قوسىلۋ كەرەك. سوندا يادرولىق قارۋ بارلىعىنا ورتاق بولادى. بۇل – رەسەيلىكتەردىڭ پىكىرى ەمەس، مەنىڭ پىكىرىم. بىزگە بىرىگۋگە مۇمكىندىك بار ەكەنىن ستراتەگيالىق تۇرعىدان ءتۇسىنۋ كەرەك"، – دەدى لۋكاشەنكو "موسكۆا. كرەمل. پۋتين" باعدارلاماسىنىڭ ەفيرىندە.
ەسكە سالا كەتەيىك،توقايەۆ ماسكەۋدە وتكەن ەۋرازيالىق ەكونوميكالىق فورۋمدا سويلەگەن سوزىندە رەسەي مەن بەلارۋس تۋرالى ايتقان ەدى. پرەزيدەنت ەكى ەل اراسىنداعى بايلانىستى ءسوز ەتىپ، ولارعا يادرولىق قارۋدىڭ دا ورتاق ەكەنىن مالىمدەگەن.
كەيىن پرەزيدەنتتىڭ باسپا ءسوز حاتشىسى رۋسلان جەلدىباي پرەزيدەنتتىڭ فورۋمداعى سوزدەرىنە پىكىر ءبىلدىرىپ، قازاقستاننىڭ ەشقانداي وداق قۇرمايتىنىن، سونىمەن قاتار، قانداي دا ءبىر وداقتىڭ قۇرامىنا كىرمەيتىنىن ايتقان بولاتىن.
پىكىر قالدىرۋ