26 مامىردا الماتى قالاسىنىڭ ەكونوميكالىق تەرگەۋ دەپارتامەنتىندە سەناتتىڭ كونستيتۋسيالىق زاڭناما كوميتەتىنىڭ كوشپەلى وتىرىسى ءوتتى. كەزدەسۋگە قاتىسۋشىلار "زاڭسىز ساتىپ الىنعان اكتيۆتەردى مەملەكەتكە قايتارۋ تۋرالى" قازاقستان رەسپۋبليكاسى زاڭىنىڭ جوباسىن تالقىلادى، دەپ حابارلايدى Qamshy.kz اقپارات اگەنتتىگى.
ءىس-شارا قازاقستان رەسپۋبليكاسى پرەزيدەنتىنىڭ ەلگە زاڭسىز شىعارىلعان اكتيۆتەردى قايتارۋ جونىندەگى تاپسىرماسى شەڭبەرىندە ءوتتى. وتىرىستى اشقان ق ر پارلامەنتى سەناتىنىڭ كونستيتۋسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ ءتوراعاسى اندرەي لۋكين تاقىرىپتىڭ وزەكتى جانە ۋاقتىلى ەكەنىن اتاپ ءوتتى.
"بۇگىنگى تاڭدا بىزدە ماجىلىسكە كەلىپ، زاڭسىز ساتىپ الىنعان اكتيۆتەردى قايتارۋ تۋرالى زاڭ جوباسى جۇمىسقا قابىلداندى. سەنات بۇل جۇمىسقا ماجىلىسپەن بىرگە قوسىلدى. ءبىز ءار ءتۇرلى الاڭداردا وسى زاڭ جوباسىن، ونىڭ ىشىندە قوعام قايراتكەرلەرىمەن، زاڭگەرلەرمەن جانە عىلىمي قوعاممەن، قۇقىق قورعاۋ ورگاندارىمەن تالقىلايمىز".
سونىمەن قاتار، لۋكين ەلدەن زاڭسىز شىعارىلعان قارجى قاراجاتىن قايتارۋ بويىنشا بەلسەندى جانە جوسپارلى جۇمىس جۇرگىزىلىپ جاتقانىن اتاپ ءوتتى.
"وتكەن جىلدان باستاپ پرەزيدەنتتىڭ تاپسىرماسى بويىنشا ەكونوميكالىق رەسۋرستاردى زاڭسىز شوعىرلاندىرۋعا قارسى ءىس-قيمىل ماسەلەلەرى جونىندەگى ۆەدومستۆوارالىق كوميسسيا جۇمىس ىستەيدى. مەملەكەت باسشىسى بۇل ماسەلەنى جەكە ءوزى باقىلاۋدا ۇستايدى جانە جالپى شارالار كەشەنىن قابىلداۋ ناتيجەسىندە بۇگىندە جالپى كۇش-جىگەرمەن مەملەكەتكە 760 ميلليارد تەڭگەدەن استام سوماعا اكتيۆتەر قايتارىلدى. ونىڭ ىشىندە 575 ميلليون دوللار".
سونداي-اق، كەزدەسۋدە سەناتورلار ق ر قارجى مونيتورينگى اگەنتتىگىنىڭ قىزمەتىمەن تانىستى. ۆەدومستۆو ءتوراعاسىنىڭ ورىنباسارى جەڭىس ەلەمەسوۆتىڭ ايتۋىنشا، پرەزيدەنتتىڭ تاپسىرماسىن ورىنداۋ اياسىندا زاڭسىز شىعارىلعان اكتيۆتەردى ەلگە قايتارۋ، سونداي-اق ەكونوميكالىق رەسۋرستاردىڭ مونوپوليالىق (وليگوپوليالىق) شوعىرلانۋىن انىقتاۋ بويىنشا جۇمىستار جۇرگىزىلۋدە.
"2022 جىلدىڭ باسىنان باستاپ قازىرگى ۋاقىتقا دەيىن 11 قىلمىستىق توپقا قاتىستى 445،7 ملرد تەڭگە زالالمەن 81 سوتقا دەيىنگى تەرگەۋ باستالدى، ونىڭ ىشىندە 22،8 ملرد تەڭگە وتەلدى، 344 ملرد تەڭگە سوماسىنا مۇلىككە تىيىم سالىندى. مەملەكەت كىرىسىنە 72 ملرد تەڭگە سوماسىنا 4 وبەكت قايتارىلدى (بارلىعى 451،6 ملرد تەڭگەگە قايتارىلعان وبەكتىلەرمەن قوسا وتەم قامتاماسىز ەتىلدى). بۇگىن اگەنتتىك 9 توپقا قاتىستى 335،6 ملرد تەڭگە زالالمەن 77 سوتقا دەيىنگى تەرگەپ-تەكسەرۋدى اياقتادى، تىيىم سالىنعان مۇلىكتى ەسكەرە وتىرىپ 101،9 ملرد تەڭگە وتەلدى"، دەدى جەڭىس ەلەمەسوۆ.
جەڭىس ەلەمەسوۆ قايرات بورانبايەۆقا قاتىستى سوتقا دەيىنگى تەرگەپ-تەكسەرۋلەر اياقتالعانىن جانە ق ر قك 189-بابى مەن 218-بابى بويىنشا 14،5 ملرد تەڭگە سوماسىنا زالال تولىعىمەن وتەلگەنىن، ال كىنالى ادامدار سوتتالعانىن ايتتى.
"سوتقا دەيىنگى تەرگەپ-تەكسەرۋ بويىنشا" Eurotransit nur Zholy " ج ش س لاۋازىمدى تۇلعالارىنا قاتىستى مونوپوليستىك قىزمەت فاكتىسى بويىنشا (قك 221-بابى) 4،2 ملرد تەڭگە سوماسىنا زالالمەن مەملەكەت كىرىسىنە ج ش س مۇلكى قابىلداندى (كولەمى 3،6 گا، ونداعى كولىك-لوگيستيكالىق كەشەنى بار جەر ۋچاسكەسى قۇنى 5،2 ملرد تەڭگە)"، دەدى ول.
پىكىر قالدىرۋ