جەڭىس كۇنىنىڭ 78 جىلدىعىن مەرەكەلەۋ قارساڭىندا الماتىنىڭ الەۋمەتتىك قىزمەتتەرى ۇوس ارداگەرلەرى مەن ولارعا تەڭەستىرىلگەن تۇلعالاردى قولداۋدىڭ تۇراقتى شارالارىنا شولۋ جاسادى، دەپ حابارلايدى Qamshy.kz اقپارات اگەنتتىگى. 

الماتى اكىمى ەربولات دوسايەۆتىڭ تاپسىرماسى بويىنشا وتكەن جىلدان باستاپ ۇوس ارداگەرلەرى كەلەسى باعىتتار بويىنشا تەگىن مەديسينالىق كومەك الۋدا:

• جالپى پراكتيكا دارىگەرلەرى مەن تار مامانداردىڭ كەڭەيتىلگەن تەكسەرۋى. جالپى كلينيكالىق تالداۋلاردى الۋ.
• كورسەتكىشتەر بويىنشا تەكسەرۋ، سونىڭ ىشىندە ەكگ، ۋلترادىبىستىق، كت جانە مرت. ستاسيوناردا وڭالتۋ، سونداي-اق ساناتوريي-كۋرورتتىق ەمدەۋ.
• ستوماتولوگيالىق كومەك. 2023 جىلدىڭ باسىنان باستاپ 4 اي ىشىندە تمككك جانە ءمامس شەڭبەرىندە ۇوس-نىڭ 3243 قاتىسۋشىسى جانە ولارعا تەڭەستىرىلگەن ادامدار كەڭەيتىلگەن مەديسينالىق تەكسەرۋدەن ءوتتى.
• جىل سوڭىنا دەيىن وسى ساناتتاعى الماتىلىقتاردىڭ 100% - ى كەڭەيتىلگەن مەديسينالىق تەكسەرۋدەن وتەدى.

بارلىق تاسىمالدانبايتىن ناۋقاستاردى اي سايىن ۋچاسكەلىك دارىگەرلەر نەمەسە مەدبيكەلەر تەكسەرەدى. دارى-دارمەكتەردى ۇيگە تەگىن جەتكىزۋ ۇيىمداستىرىلدى. جىل سوڭىنا دەيىن 3900-دەن استام تاسىمالدانبايتىن پاسيەنت ۇيدە تولىق مەديسينالىق تەكسەرۋدەن وتەدى. ستوماتولوگيالىق كومەك، ونىڭ ىشىندە ءتىس پروتەزدەۋ، اعىمداعى جىلدىڭ باسىنان باستاپ 673 پاسيەنتكە كورسەتىلدى.

وسى ماقساتتار ءۇشىن ۇوس ارداگەرلەرىنىڭ قالالىق ەمحاناسىنا 2023 جىلعا الماتى بيۋدجەتىنەن 27 ملن تەڭگە ءبولىندى. بارلىق مەديسينالىق ۇيىمداردا ۇوس ارداگەرلەرىنە جانە ولارعا تەڭەستىرىلگەن ادامدارعا مەزگىل-مەزگىل ەستەلىك سىيلىقتار مەن ازىق-تۇلىك سەبەتتەرى تاپسىرىلادى. سونداي-اق، الماتى اكىمىنىڭ تاپسىرماسى بويىنشا الەۋمەتتىك قىزمەت قىزمەتكەرلەرى تۇراقتى ارالاۋ جۇرگىزەدى، سونىڭ ناتيجەسىندە ارداگەرلەردىڭ ءتۇرلى كومەك تۇرلەرىنە قاجەتتىلىكتەرىن انىقتايدى جانە ونى اتاۋلى تۇردە كورسەتەدى.

جوندەۋ جانە مونتاجداۋ جۇمىستارى. قاجەتتى تۇرمىستىق تەحنيكانى ساتىپ الۋعا كومەك. نۇكتەلىك ماتەريالدىق كومەك. زاڭگەرلىك جانە وزگە دە كونسۋلتاسيالار.

مىسالى، ناۋرىزباي اۋدانىنىڭ ارداگەرىنە كىرەبەرىستەگى اعاش تەرەزەلەر جاڭاسىنا اۋىستىرىلىپ، ەسىك جانىنداعى اسفالتتالعان توسەنىشتەر جاڭارتىلدى، الاتاۋ اۋدانىنىڭ ارداگەرىنە 1،5 ملن تەڭگەگە سۋ قۇبىرى مەن كارىز جەلىسىن تارتۋ جۇمىستارى جۇرگىزىلدى. وتىنىشتەر ءارتۇرلى جانە ەشقايسىسى نازاردان تىس قالمايدى. اعا بۋىن ازاماتتارىنىڭ ءومىر ءسۇرۋ ساپاسى مەن ۇزاقتىعىن جۇيەلى تۇردە ارتتىرۋ ءۇشىن مەگاپوليستە 50 مىڭنان استام ادامعا تەگىن الەۋمەتتىك قىزمەت كورسەتەتىن 9 بەلسەندى ۇزاق ءومىر ءسۇرۋ ورتالىعى جۇمىس ىستەيدى. 2023 جىلى تاعى ءبىر وسىنداي ورتالىق اشۋ جوسپارلانۋدا. بيىلعى جىلى قالالىق ءماسليحات دەپۋتاتتارىنىڭ شەشىمىمەن ۇوس ارداگەرلەرى مەن ولارعا تەڭەستىرىلگەن ادامدارعا ءبىرجولعى كومەك سوماسىن ۇلعايتۋ ماقۇلداندى.

"وكىنىشكە وراي، سوعىس ارداگەرلەرى ازايىپ بارادى. الماتىدا 56 ارداگەر تۇرادى. مەن ولاردىڭ بارلىعى ءوز مەرەكەلەرىن امان-ەسەن قارسى العانىن قالايمىن جانە ءبىز ولاردى قۇتتىقتاۋعا مۇمكىندىك الدىق. كومەك تۋرالى: قاراجات قاراستىرىلعان، ءبىز ءاربىر ۇوس ارداگەرىنە ميلليون تەڭگەدەن تولەۋدى جوسپارلادىق، دەپۋتاتتاردان ولارعا 1،5 ملن تەڭگەدەن تولەۋ ءۇشىن تاعى بەس ءجۇز مىڭ تەڭگە قوسۋدى سۇرادىم"، – دەدى قالا اكىمى اتاۋلى كۇنگە تولەم سوماسىن ۇلعايتۋ باستاماسىنا تۇسىنىكتەمە بەرە وتىرىپ.

ءبىرجولعى الەۋمەتتىك كومەكتىڭ جالپى سوماسى 85،5 ملن تەڭگەنى قۇرايدى. 100 مىڭ تەڭگە بويىنشا ءبىرجولعى تولەمدەر ۇوس ارداگەرلەرىنە تەڭەستىرىلگەن ادامدارعا دا قاراستىرىلعان. ەڭبەك مايدانىنىڭ قاتىسۋشىلارى مەن قايتىس بولعان ۇوس قاتىسۋشىلارى مەن مۇگەدەكتەرىنىڭ ايەلدەرى 50 مىڭ تەڭگەدەن الادى. جەڭىس كۇنىنە وراي جالپى سوماسى 975،4 ملن تەڭگەگە 13 290 الماتىلىققا الەۋمەتتىك تولەمدەر جاسالادى.