6 ماۋسىم كۇنى پانفيلوۆ اۋدانىندا سوڭعى ەكى كۇندە حابار-وشارسىز جوعالىپ كەتكەن ءجاسوسپىرىم قىزدىڭ ءمايىتى اۋليە اعاش اۋىلىنان 2-3 شاقىرىم جەردە بۇراقوجىر وزەنىنىڭ ارناسىنان تابىلدى.
پوليسەيلەر قاجەتتى ساراپتامالاردى تاعايىنداي وتىرىپ، بۇل ءولىمىنىڭ بارلىق ءمان-جايىن مۇقيات تەكسەرەدى.
وقۋشى قىزدى ىزدەۋگە پانفيلوۆ اۋداندىق پوليسياسىنىڭ جەكە قۇرامى قاتىستى. سونداي-اق ىزدەستىرۋ ءىس-شارالارىنا وبلىستىق دەپارتامەنتتىڭ قىزمەتكەرلەرى، اسكەري قىزمەتشىلەر، جەرگىلىكتى تۇرعىندار، اكىمدىك قىزمەتكەرلەرى، مەكتەپ وقىتۋشىلارى مەن ەرىكتىلەر (200-دەن استام ادام) قوسىلدى. ىزدەۋدە جۇرگەن ءجاسوسپىرىم قىز تۋرالى اقپارات جاقىن ماڭداعى پوليسيا بولىمشەلەرىنە جىبەرىلدى، ب ا ق پەن الەۋمەتتىك جەلىلەردە ورنالاستىرىلدى.
پىكىر قالدىرۋ