الماتىدا كاسىپكەردى بوپسالاپ، 2 ملن تەڭگە وندىرمەك بولعان قىلمىستىق توپ ۇستالدى. ارنايى ءىس–شارا بارىسىندا قىلمىستىق توپتىن ءتورت ەر ادامنان تۇراتىنى انىقتىلدى.
ولاردىڭ ۇشەۋى بۇرىن قاراقشىلىق شابۋىل، دەنساۋلىققا اۋىر زيان كەلتىرۋ جانە وزگە ادامداردىڭ مۇلكىن ۇرلاۋ بويىنشا ءىستى بولعان، دەپ حابارلادى Polisia.kz.
"كۇدىكتىلەر فيزيكالىق كۇش قولدانام دەپ قورقىتىپ، 21 جاسار كاسىپكەردەن 2 ملن تەڭگە كولەمىندە اقشا بوپسالاعان. كۇدىكتىلەر سۇراعان سومانىڭ ءبىرىنشى بولىگىن بىردەن الىپ، قالعانىن تابۋ ءۇشىن 20 كۇن ۋاقىت بەرگەن. ولار قىلمىس ۇستىندە ۇستالدى. ق ر قپك–ءنىڭ 128 بابىنا سايكەس كۇدىكتىلەر ۋاقىتشا ۇستاۋ يزولياتورىنا قامالدى" – دەدى مەدەۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.
سونىمەن قاتار، كۇدىكتىلەردەن زاڭسىز ساقتالعان اتىس قارۋى تاركىلەنگەن.
پىكىر قالدىرۋ