اباي وبلىسىنداعى ءورت ءتۇتىنى جەتىسۋ وبلىسىنىڭ الاكول، اقسۋ، كوكسۋ، قاراتال اۋداندارى مەن تالدىقورعان قالاسىنا جەتكەن. بۇل جايىندا جەتىسۋ وبلىسىنىڭ توتەنشە جاعدايلار دەپارتامەنتىنىڭ باسپا ءسوز قىزمەتى مالىمدەدى.

25 مامىردا ورمان ورتىنە بايلانىستى اباي وبلىسىنىڭ دا بورودۋليحا اۋدانىندا توتەنشە جاعداي جاريالانعان.توتەنشە جاعدايلار مينيسترلىگىنىڭ مالىمەتىنشە، 24 مامىر كۇنى كەشكە ءورت اۋماعى 3،5 مىڭ گەكتار بولعان.

ءورت رەسەي اۋماعىنان 22 مامىردا شىققان. قازاقستان شەكاراسىنا جاقىن رەسەيدىڭ نوۆەنكوە اۋىلىندا ءشوپ ورتەنگەن. كەيىن ءورت قازاقستاننىڭ اباي وبلىسىنداعى "سەمەي ورمانى" رەزەرۆاتىنا جايىلعان.

24 مامىردا تاڭەرتەڭ قۇتقارۋشىلار اباي وبلىسىنداعى ەلدى مەكەندەرگە تونگەن ءقاۋىپ سەيىلگەنىن حابارلاعان ەدى.

9 ماۋسىمدا جەرگىلىكتى اكىمدىك اباي وبلىسى بورودۋليحا اۋدانىندا ءورت كۇشەيىپ، ءۇش ورمانشى قازا بولعانىن حابارلاعان. "سەمەي ورمانى" مەملەكەتتىك تابيعي ورمان رەزەرۆاتى اۋماعىنداعى ورتكە بايلانىستى سەمەي قالاسىندا توتەنشە جاعداي ەنگىزىلگەن.

9 ماۋسىم تۇستە ءورت اۋماعى باستاپقىدا 30 مىڭ گەكتارعا جەتكەنى، كەيىن 60 مىڭ گەكتارعا جەتكەنى تۋرالى اقپارات تاراعان.

دەرەككوز: ازاتتىق راديوسى