ىشكى ىستەر ءمينيسترى مارات احمەتجانوۆ بۇرىنعى توتەنشە جاعدايلار ءمينيسترى يۋريي يلينگە قاتىستى ءىس قوزعاۋ جونىندە پىكىر ءبىلدىردى.

"تەرگەۋ ءجۇرىپ جاتىر، ءورت قاساقانا قويىلعان دەگەن نۇسقا بار. ءىس ارنايى پروكۋرورلاردىڭ وندىرىسىنە قابىلداندى. ءىىم قىزمەتكەرلەرى سول توپ قۇرامىندا. تەرگەۋ ناتيجەسىن كۇتەيىك. قاساقانا ورتەۋ، نايزاعاي ءتۇسۋ، نەمقۇرايلىلىق نۇسقالارى بويىنشا ساراپتامالار مەن ىزدەستىرۋ ءىس-شارالارى جۇرگىزىلەتىن بولادى. تەرگەۋگە 2 اي ۋاقىت بەرىلدى”، – دەدى مينيستر.

سونداي-اق، مينيستر يۋريي ءيليننىڭ ۇستىنەن ءىس قوزعالۋىنا قاتىستى سۇراققا دا جاۋاپ بەردى. 

“پرەزيدەنت باس پروكۋرورعا تاپسىرما بەردى، ونىڭ شەڭبەرىندە تەكسەرۋ جۇرگىزىلەتىن بولادى. ءورت فاكتىسى – بۇل توتەنشە جاعداي، ادامدار قازا تاپتى، سوندىقتان قىلمىستىق ءىس اياسىندا تەكسەرۋ بولادى. نەلىكتەن ۋاقتىلى شارا قولدانبادى؟ مۇمكىن نەمقۇرايلىلىق، قىزمەتتىك مىندەتتەرىن ورىنداماۋ”، – دەدى احمەتجانوۆ.