اتىراۋ وبلىسىنىڭ اكىمى ورتالىق كوممۋنيكاسيالار قىزمەتىندە وتكەن بريفينگتە قالاداعى اۋلالاردىڭ بىرىندە تۇرعان لەنيننىڭ ەسكەرتكىشى تۋرالى پىكىرىن ايتتى.
"ءبىزدىڭ كەڭەس داۋىرىندە ءومىر سۇرگەن اعا-بۋىندارىمىز دا، قازاقستاندا دۇنيەگە كەلىپ، تاۋەلسىز قازاقستاندا ءومىر ءسۇرىپ جاتقان ۇرپاقتارىمىز دا بار. ءارقايسىسىمىزدىڭ ويىمىز ءارتۇرلى. قازىرگى تاڭدا حالىقتىق كوممۋنيستىك پارتيا سول جەردە ءوزىنىڭ شارالارىن وتكىزىپ ءجۇر. حالىقتىق كوممۋنيستىك پارتيا ءبىزدىڭ تاۋەلسىزدىگىمىزگە ەڭبەك ەتپەي جاتقان جوق" – دەدى سەرىك شاپكەنوۆ.
سونىمەن قاتار، اكىم يدەولوگيا لەنيننىڭ ەسكەرتكىشىنە قارامايتىنىن مالىمدەدى.
"يدەولوگيا لەنيننىڭ تۇرعان–تۇرماعانىنا قارامايدى. ول ادامنىڭ ىشكى دۇنيەسىنە بايلانىستى. ەڭ ءبىرىنشى ادام ادامي قاسيەتىن جوعالتپاۋى كەرەك" – دەپ قىسقا قايىردى اتىراۋ وبلىسىن اكىمى.
پىكىر قالدىرۋ