ەكولوگيا جانە تابيعي رەسۋرستار ءمينيسترى زۋلفيا سۇلەيمەنوۆا اباي وبلىسىنداعى ورمان ءورتى ءۇشىن جاۋاپكەرشىلىكتەن قاشپايتىنىن مالىمدەدى، دەپ حابارلايدى Sputnik قازاقستان ءتىلشىسى.
"مەنىڭ ۆەدومستۆوما كىرەتىن كەز كەلگەن بلوكقا باسشى رەتىندە جاۋاپتىمىن. مەن جاۋاپكەرشىلىكتەن قاشپايمىن. تەرگەۋمەن ىنتىماقتاسا جۇمىس ىستەيمىز"، - دەدى سۇلەيمەنوۆا ۇكىمەت كۋلۋارىندا.
سونداي-اق مينيستر جۋرناليستەردىڭ وتستاۆكاعا كەتۋگە دايىنسىز با دەگەن سۇراعىنا دا جاۋاپ بەردى.
"باس پروكۋراتۋرا تەرگەۋ جۇرگىزىپ جاتىر. وسى تەرگەۋ اياسىندا ءتيىستى سۇراقتار تۋىنداسا، ءبىز جاۋاپقا تارتىلۋعا دايىنبىز"، -دەدى مينيستر.
پىكىر قالدىرۋ