ۇلتتىق قاۋىپسىزدىك كوميتەتى قازاقستان مەن قحر شەكاراسىنداعى وتكىزۋ پۋنكتەرى ۋاقىتشا جابىلاتىنىن ەسكەرتتى، دەپ جازادى ۇقك باسپا ءسوز قىزمەتى.
قازاقستان ۇكىمەتى مەن جۇڭگو حالىق رەسپۋبليكاسىنىڭ ۇكىمەتى اراسىنداعى كەلىسىمگە سايكەس 22 ماۋسىمدا شەكارا بەكەتتەرى جابىق بولادى. شەكارانىڭ جابىلۋىنا قىتايدا تويلاناتىن ايداھار قايىقتارى مەيرامى (دۋان-ۋ) سەبەپ بولعان.
"وسىعان بايلانىستى 22 ماۋسىمدا قازاق-قىتاي شەكاراسىنداعى اۆتوكولىك وتكىزۋ پۋنكتىلەرىندە ادامدار، كولىك، جۇك پەن تاۋار وتكىزىلمەيدى. باعىتتارىڭىزدى الدىن الا جوسپارلاۋدى سۇرايمىز"، - دەپ ەسكەرتتى ۇقك.
تەمىرجولداعى وتكىزۋ پۋنكتتەرى شتاتتىق رەجيمدە جۇمىس ىستەيدى.
پىكىر قالدىرۋ