Qnet قارجى پيراميداسىن قىزىلوردا وبلىسى اۋماعىندا قۇرىپ، وعان باسشىلىق جاسادى دەگەن كۇدىككە ىلىنگەن ازاماتقا قاتىستى سوتقا دەيىنگى تەرگەۋ جۇرگىزىلىپ جاتىر، دەپ حابارلايدى Ulysmedia.kz.
قارجىلىق مونيتورينگ اگەنتتىگىنىڭ مالىمەتىنشە، ول 2020-2021 جىلدار ارالىعىندا قارجى پيراميداسىن قۇرىپ، ونىڭ قىزمەتىنە 38 تۇلعانى قاتىستىرعان (زارداپ شەككەندەر)، كەلتىرىلگەن زالال كولەمى – 46 ملن تەڭگە.
سوتتىڭ سانكسياسىنا سايكەس، ول «كۇزەتپەن ۇستاۋ» تۇرىندەگى شارامەن 2 اي مەرزىمگە قاماۋعا الىنىپ، ۋاقىتشا ۇستاۋ يزولياتورىنا قامالدى.
“سوتقا دەيىنگى تەرگەۋ جالعاسۋدا. ق ر قپك-نىڭ 201 بابىنىڭ تالاپتارىنا سايكەس وزگە مالىمەتتەر جاريا ەتىلمەيدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قىلمىستىق-پروسەستىك كودەكسىنىڭ 19-بابىنىڭ 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن اركىم كىناسىز دەپ ەسەپتەلەدى”، – دەلىنگەن حابارلامادا.
ايتا كەتەيىك، بۇدان بۇرىن قوستانايدا Qnet LTD قارجى پيراميداسىنىڭ ۇيىمداستىرۋشىسى جازادان قۇتىلىپ كەتكەن بولاتىن.
پىكىر قالدىرۋ