قاڭتار وقيعاسى كەزىندە وققا ۇشقان قازۇۋ رەكتورى جانسەيىت تۇيمەبايەۆتىڭ ۇلى ەلنار قانسەيىتتىڭ ءولىمى بويىنشا اسكەري قىزمەتكەر التى جارىم جىلعا سوتتالدى.
الماتى گارنيزونىنىڭ اسكەري سوتى تالدىقورعانداعى N18404 اسكەري ءبولىمىنىڭ اعا سەرجانتى 33 جاستاعى سەرىكبول مۇراتحاندى قىلمىستىق كودەكستىڭ "بيلىكتى اسىرا پايدالانۋ" بابى بويىنشا كىنالى دەپ تانىعان. بۇل جونىندە ازاتتىق راديوسى حابارلادى.
بۇعان دەيىن پروكۋرور جاۋىنگەر سەرىكبول مۇراتحاندى 7 جىلعا سوتتاۋدى سۇراعان.
سوتتالۋشى وزىنە تاعىلعان ايىپتى مويىندامايدى. سەرىكبول مۇراتحان سوڭعى سوزىندە قارۋ اتپاعانىن، جازىقسىز ەكەنىن تاعى قايتالاعان.
پىكىر قالدىرۋ