قازاقستاندىق بوكسشىلار ءساماتالى تولتايەۆ پەن ابزال سەرىك دوپينگكە بايلانىستى جارىستان ءۇش جىلعا شەتتەتىلدى.
قازاق ۇلتتىق دوپينگكە قارسى كوميتەتىنىڭ سايتىندا بوكستان شەتتەتىلگەن سپورتشىلار ءتىزىمى شىقتى. بۇل تىزىمدە قازاقستاندىق بوكسشىلار دا بار.
تولتايەۆ تىيىم سالىنعان ورالتۋرينابول پرەپاراتىن، سەرىك مەتاستەرون پرەپاراتىن پايدالانعان. ءساماتالى تولتايەۆ 2023 جىلعى 31 ناۋرىزدان 2026 جىلعى 31 ناۋرىزعا دەيىن، ابزال سەرىك 2023 جىلعى 7 ساۋىردەن 2026 جىلعى 7 ساۋىرگە دەيىن جارىستان شەتتەتىلدى.
ەسكە سالا كەتەيىك، تولتايەۆ بوكستان قازاقستان قۇراماسىنىڭ بۇرىنعى مۇشەسى، 2022 جىلعى ازيا چەمپيوناتىنىڭ قولا جۇلدەگەرى.
ابزال سەرىك – 2019 جىلعى جاسوسپىرىمدەر اراسىنداعى ازيا چەمپيونى، 2023 جىلعى ازيا جاستار چەمپيوناتىنىڭ ءفيناليستى.
پىكىر قالدىرۋ