كورنەكتى قازاقستاندىق عالىم، ەكونوميكالىق زەرتتەۋلەر ينستيتۋتىنىڭ اڭىز ادامى، ەكونوميكا عىلىمدارىنىڭ دوكتورى، پروفەسسور، اكادەميك، ەلىمىزدەگى ەكونوميكالىق-ماتەماتيكالىق مودەلدەۋدىڭ عىلىمي باعىتىن جاساۋشى 85 جاستاعى سايلاۋ بايزاق ۇلى بايزاقوۆ دۇنيەدەن ءوتتى - دەپ حابارلايدى ۇلتتىق ەكونوميكا مينيسترلىگىنىڭ باسپا ءسوز قىزمەتى.

جارتى عاسىردان اسا ناتيجەلى عىلىمي قىزمەتىندە سايلاۋ بايزاقوۆ ەكونوميكا عىلىمدارىنىڭ 30-دان اسا دوكتورى مەن 100-گە جۋىق كانديداتىن قوسا العاندا، ەكونوميستەردىڭ تۇتاس ءبىر پلەياداسىن تاربيەلەپ، ءوسىردى، ولاردىڭ كوپشىلىگى ءالى كۇنگە دەيىن مەملەكەتتىك باسقارۋ ورگاندارىندا جوعارى باسشىلىق قىزمەتتەردە جۇمىس ىستەيدى.

سايلاۋ بايزاقوۆ 1937 جىلى قوستاناي وبلىسى جانگەلدين اۋدانى قىزبەل اۋىلىندا تۋعان. ول - ەكونوميكا عىلىمنىڭ دوكتورى، پروفەسسور.

1964-1976 جىلدار ارالىعىندا - ەكونوميكالىق زەرتتەۋلەر ينستيتۋتىنىڭ كومپيۋتەرلىك باعدارلامالىق قامتاماسىز ەتۋ ءبولىمىنىڭ مەڭگەرۋشىسى.

1976-1985 جىلدار ارالىعىندا - ەكونوميكالىق زەرتتەۋلەر ينستيتۋتى ديرەكتورىنىڭ ورىنباسارى.

1986-1993 جىلدار - مەنەدجمەنت عىلىمي-زەرتتەۋ ينستيتۋتىنىڭ ديرەكتورى.

1994-1995 جىلدار ارالىعىندا - قازاقستان رەسپۋبليكاسىنىڭ باعالى قاعازدار جونىندەگى ۇلتتىق كوميسسياسى جوعارعى كەڭەسىنىڭ باس ساراپشىسى.

1996-1999 جىلدار - قازاقستان رەسپۋبليكاسى ۇكىمەتىنىڭ جانىنداعى مەملەكەتتىك قىزمەتشىلەردىڭ بىلىكتىلىگىن ارتتىرۋ ينستيتۋتىنىڭ ديرەكتورى.

1999-2002 جىلدار ارالىعىندا - Tacis EDKZ 9602 جوباسىنىڭ جەرگىلىكتى كەڭەسشىلەرىنىڭ جەتەكشىسى.

2003-2004 جىلدار ارالىعىندا - كليماتتىڭ وزگەرۋىن ۇيلەستىرۋ ورتالىعىنىڭ ماكروەكونوميكالىق توبىنىڭ جەتەكشىسى.

2004-2008 جىلدار ارالىعىندا - "ەكونوميكالىق زەرتتەۋلەر ينستيتۋتى" اق عىلىم جونىندەگى ۆيسە-پرەزيدەنتى.

2008-2010 جىلدار ارالىعىندا - "ەكونوميكالىق زەرتتەۋلەر ينستيتۋتى" اق عىلىمي ديرەكتورى.

2010 جىلدان قازىرگى ۋاقىتقا دەيىن "ەكونوميكالىق زەرتتەۋلەر ينستيتۋتى" اق ورتالىعىنىڭ عىلىمي جەتەكشىسى - ديرەكتورى.

150-دەن اسا جاريالانىمدارى بار، ونىڭ ىشىندە نارىقتىق ەكونوميكا، ماكروەكونوميكالىق بولجاۋ، ساۋدا ساياساتىن تالداۋ، 50-دەن استام وقۋ ماتەريالدارى.