ەشكىمدى ولتىرگەن جوق، قاڭتار قىرعىنىندا قىلمىس جاساعان جوق، ءبىراق سوت مىناداي ۇكىم شىعاردى. قاڭتار وقيعاسىندا جازىقسىز جانداردى اتقاندار، اتۋعا بۇيرىق بەرگەندەر، ەل ىشىنە ىرىتكى سالعاندار، قازاقستاننىڭ مەملەكەتتىك تۇتاستىعى مەن ساياسي تۇراقتىلىعىنا ءقاۋىپ توندىرگەندەر تۇگەل ۇستالدى ما؟ حالىقتى بيلىككە قارسى قويىپ، توقايەۆتىڭ ءوزىن ارانداتقىسى كەپ جۇرگەندەردىڭ تىرلىگى ەمەس پە ەكەن بۇل؟ قارالى قاڭتاردا ۇلتتىق قاۋىپسىزدىك كوميتەتىنىڭ وزىنەن اسكەري توڭكەرىس جاساعىسى كەلگەن قىلمىسكەرلەر مەن ساتقىندار شىقتى. وندايلار ءالى بار بولسا قايتەمىز استىرتىن ارەكەت ەتىپ وتىرعان؟ حالىقتان اراشا كەرەك! ايتپەسە، كورىنگەندى سوتقا سۇيرەي بەرەتىن ادەت كۇشەيە تۇسەدى! بارلىعى زاڭ شەڭبەرىندە بولۋى ءتيىس!!!

 

 

ايگەرىم تىلەۋجان مەن ءتورت كىسىگە شىققان ۇكىم ەسەڭگىرەتىپ تاستادى. شارتتى جازا بەرەر دەپ كۇتىپ ەدىم. ناقتى دالەلى جوق، اقىلعا قونبايتىن ايىپ تاعىلعان ىسپەن 4-8 جىلعا سوتتاۋ دەگەن نە دەگەن قاتىگەزدىك… سۋديا ۇكىم وقىعان سوڭ شاراسىز تۋىستارى ايقايلاپ جىلاپ، تالىقسىپ، ەسىن جيا الماي جاتتى. ايگەرىمنىڭ ماماسى سويلەي الماي قالدى… اۋەجايدى باسىپ الدى دەگەن بەس كىسىنىڭ قايسىسى، بيلىك ايتقانداي، شەتەلدە ارنايى دايىندىقتان وتكەن بانديتكە ۇقسايدى، ايتىڭىزدارشى؟.. سوتتالعانداردىڭ ءبىرى — جۋرناليست، ءبىرى — ءمۇعالىم، ءبىرى — كاسىپكەر، ءبىرى — قارا جۇمىسشى، تاعى ءبىرى — جۇمىسسىز جۇرگەن اعا. ءسوز جوق.