الماتى قالاسىنىڭ بۇرىنعى اكىمى باۋىرجان بايبەكتىڭ اكەسى قىدىرعالي بايبەككە قاتىستى سوت ءجۇرىپ جاتىر.

قۇجات بويىنشا بايبەكتىڭ اكەسىنە ق ر اقبتك-نىڭ 319 بابى بويىنشا ايىپ تاعىلعان. بۇل باپ بويىنشا كۇدىكتى جەر ۋچاسكەسىنە ءتيىستى قۇقىعى جوق وندىرىستىك، تۇرعىن ءۇي، شارۋاشىلىق، گيدروتەحنيكالىق (سۋ شارۋاشىلىعى) نەمەسە شارۋاشىلىق-تۇرمىستىق وبەكتىلەردى زاڭسىز سالعانى ءۇشىن جازاعا تارتىلادى.

سونىمەن قاتار، قىدىرعالي بايبەككە تاعىلعان تاعى ءبىر ايىپ ق ر اقبتك-نىڭ 463 بابىنىڭ ءبىرىنشى بولىگى بويىنشا قارالادى.

ياعني، كاسiپكەرلiك نەمەسە وزگە دە قىزمەتپەن اينالىسقانى، رۇقساتسىز ارەكەتتەر (وپەراسيالار) جاساعانى، تالاپ ەتiلەتiن جاعدايلاردا حابارلامانى جiبەرمەگەنi ءۇشiن جاۋاپقا تارتىلادى.

قىدىرعالي بايبەك – الماتى قالاسىنىڭ بۇرىنعى اكىمى باۋىرجان بايبەكتىڭ اكەسى. ەڭبەك جولىن تەمىرجولشى بولىپ باستاعان. سونىمەن قاتار، ول قازاقستاننىڭ بۇرىنعى پرەزيدەنتى نۇرسۇلتان نازاربايەۆتىڭ سىنىپتاسى، ءارى ەكس-پرەزيدەنتپەن جاقسى قارىم-قاتىناسىمەن تانىمال.

قىدىرعالي بايبەك زەينەتكەرلىككە بىرەر جىل قالعاندا "الماتى قالاسىنىڭ جولاۋشىلار تاسىمالى" مكقك باستىعىنىڭ ورىنباسارى قىزمەتىنە تاعايىندالعان بولاتىن.

ايتا كەتەيىك، ونىڭ ۇلى باۋىرجان بايبەك مەملەكەتتىك قىزمەتكە جوعارى مۋزىكا مەكتەبىن بىتىرە سالىسىمەن بىردەن كەلگەن.

2015 جىلى باۋىرجان بايبەك الماتى قالاسىنىڭ اكىمى بولىپ تاعايىندالدى. ول بۇل قىزمەتتى 2019 جىلدىڭ 28 ماۋسىمىنا دەيىن اتقاردى. ودان كەيىن NurOtan پارتياسى ءتوراعاسىنىڭ ءبىرىنشى ورىنباسارى لاۋازىمىنان پرەزيدەنت قاسىم-جومارت توقايەۆ پارتيا ءتوراعالىعىن العاننان كەيىن كەتتى.

باۋىرجان بايبەك  قاڭتار وقيعاسىنان كەيىن ەلدەن كەتىپ، ءقازىر گەرمانيادا تۇرادى.