ءۇندىستاننىڭ سولتۇستىك ايماعىندا بولعان سۋ تاسقىنىنان 100-دەن اسا ادام قازا تاپتى. بۇل تۋرالى ءۇندىستانداعى جەرگىلىكتى باسىلىم حابارلادى.
ءۇندىستاننىڭ سولتۇستىك-شىعىسىندا جاۋىن-شاشىن 8 شىلدەدە باستالعان. وعان مۋسسوندىق جاڭبىر مەن جەرورتا تەڭىزى ايماعىنان ىلعالدى اۋا ماسسالارىنىڭ اعىنى اسەر ەتكەن.
"ەڭ كوپ زارداپ شەككەن – گيمالاي تاۋلارىنىڭ ەتەگىندە ورنالاسقان گيماچال-پرادەش شتاتى. مۇندا لاي كوشكىنى كوپتەپ بايقالعان، كوپتەگەن ەلدىمەكەن سۋ استىندا قالدى. سولتۇستىك شتاتتاردىڭ تاۋلى ايماقتارىندا جولدار جابىلىپ، سۋ باسۋ سالدارىنان كولىك قوزعالىسى توقتاتىلدى، سونىڭ سالدارىنان 300-گە جۋىق تۋريست ءالى تاۋلى جەرلەردە بوگەلىپ تۇر. توتەنشە جاعداي سالدارىنان شتاتتا بارلىعى 80-گە جۋىق ادام قازا تاپتى. جاڭبىر توقتاعانىمەن، قۇتقارۋ جانە قالپىنا كەلتىرۋ جۇمىستارى جۇرگىزىلىپ جاتىر"، - دەلىنگەن حابارلامادا
پىكىر قالدىرۋ