الماتى قالاسىنداعى اۋرۋحانادا ناۋقاستاردىڭ ادامنىڭ يممۋندىق تاپشىلىق ۆيرۋسىن (ايتۆ/ۆيچ) جۇقتىرىپ الۋىنا بايلانىستى ەپيدەميولوگيالىق تەرگەۋ ناتيجەسى كەلەسى اپتادا بەلگىلى بولادى. بۇل تۋرالى دەنساۋلىق ساقتاۋ ءمينيسترى اجار عينيات ايتتى.
"كوميسسيا كەلەسى اپتادا جۇمىسىن اياقتاپ، ءبارىن بىلەتىن بولامىز. ازىرشە ولار جۇمىس ىستەپ جاتىر. كوميسسيا جۇمىسىن اياقتاي سالىسىمەن ولار تولىق انىقتاما دايىنداپ، ونى اكىمدىك پەن دەنساۋلىق ساقتاۋ مينيسترلىگىنە رەسمي ۇسىنادى"، - دەدى اجار عينيات ۇكىمەت وتىرىسىنان كەيىن ب ا ق وكىلدەرىنىڭ ساۋالىنا وراي.
ونىڭ اتاپ وتۋىنشە، دارىگەرلىك قۇپيا تۋرالى قولدانىستاعى زاڭناماعا سايكەس، تەرگەۋ ءجۇرىپ جاتقان ۋاقىتتا پاسيەنتتەردىڭ كەلىسىمىنسىز ولارمەن كەزدەسۋگە ەشكىمنىڭ قۇقى جوق.
"دارىگەرلىك قۇپيا بار. پاسيەنتتىڭ كەلىسىمىمەن عانا بولادى. ولاردىڭ كەزدەسۋگە نيەتى جوق"، - دەدى مينيستر.
بۇعان دەيىن الماتى قالالىق ورتالىق كلينيكالىق اۋرۋحاناسىندا جاتقان 3 ناۋقاستان ادامنىڭ يممۋندىق تاپشىلىق ۆيرۋسى انىقتالعانىن جازعان ەدىك.
پىكىر قالدىرۋ