قازگيدرومەت ماماندارى 13-15 شىلدە ارالىعىنا ارنالعان ءۇش كۇندىك اۋا رايى بولجامىن جاريالادى.

الداعى كۇندەرى باتىس سيكلونى قازاقستان اۋماعى ارقىلى جىلجىعان سايىن ەلىمىزدىڭ باسىم بولىگىندە جاڭبىر مەن بۇرشاق جاۋىپ، نايزاعاي جارقىلدايدى، قاتتى جەل تۇرادى.

14-15 شىلدەدە سولتۇستىك-باتىستا، 15 شىلدەدە ەلىمىزدىڭ سولتۇستىگىندە قاتتى جاڭبىر جاۋادى.

رەسپۋبليكانىڭ وڭتۇستىگى، وڭتۇستىك-شىعىسى جانە وڭتۇستىك-باتىسىندا جاۋىن-شاشىنسىز اۋا رايى ساقتالادى.

بۇكىل كەزەڭ شىعىستا، 13 شىلدەدە - وڭتۇستىكتە، 13-14 شىلدەدە - سولتۇستىك-شىعىستا، وڭتۇستىك-شىعىستا، ورتالىقتا - 45 گرادۋسقا دەيىن وتە قاتتى ىستىق ساقتالادى.

رەسپۋبليكا بويىنشا توتەنشە ءورت ءقاۋپى بار.

كۇندىزگى اۋا تەمپەراتۋراسى سولتۇستىكتە جانە ورتالىقتا +30°س دەيىن، وڭتۇستىك جانە وڭتۇستىك-شىعىستا +30+37°س دەيىن تومەندەيدى، ەلىمىزدىڭ باتىسىندا نەگىزگى فون +25 + 35°س بولادى.