قاسىم-جومارت توقايەۆقا تۇركىستان وبلىسىنىڭ سارىاعاش اۋدانىندا 5 جاسار قىز بالانىڭ ولتىرىلگەنى جونىندەگى قايعىلى وقيعا تۋرالى مالىمەت بەرىلدى، دەپ جازادى اقوردا.
قۇقىق قورعاۋ ورگاندارى ءىستى تەرگەۋ امالدارىن جۇرگىزىپ جاتىر. كۇدىكتى انىقتالدى.
"قولدا بار اقپارات بويىنشا، كۇدىكتى بۇعان دەيىن كىسى ولتىرگەنى ءۇشىن سوتتالىپ، 10 جىلعا باس بوستاندىعىنان ايىرىلعان. بيىل وعان ادام دەنساۋلىعىنا قاساقانا اۋىر زيان كەلتىرگەنى ءۇشىن 3 جىلعا باس بوستاندىعىن شەكتەۋ جونىندە ۇكىم شىعارىلعان.
پرەزيدەنت باس پروكۋراتۋرا مەن ىشكى ىستەر مينيسترلىگىنە بولعان قايعىلى وقيعانىڭ ءمان-جايىن مۇقيات تەكسەرۋدى تاپسىردى. مەملەكەت باسشىسى بيىل شىعارىلعان سوت ۇكىمىنىڭ زاڭدىلىعىن قاراستىرۋ جانە ادامعا قاتىستى اسا ءقاۋىپتى قىلمىس جاساعانى ءۇشىن قىلمىستىق جاۋاپكەرشىلىكتى كۇشەيتۋ ماڭىزدى دەپ سانايدى"، دەلىنگەن حابارلامادا.
ەسكە سالايىق، بۇدان بۇرىن تۇركىستان وبلىسىندا قاسكوي 5 جاسار قىزدى زورلاپ ولتىرگەنى حابارلانعان.
پىكىر قالدىرۋ