قونايەۆ قالالىق سوتى ەرمەك نارىمبايەۆتىڭ جازاسىن جەڭىلدەتىپ، بوستاندىققا شىعارۋ تۋرالى شەشىم قابىلدادى.

Orda.kz پورتالىنىڭ حابارلاۋىنشا نارىمبايەۆ 15 تاۋلىكتەن كەيىن بوستاندىققا شىعادى.

13 شىلدەدە وتكەن تىڭدالىمدا سوت بەلسەندىنى مەرزىمىنەن بۇرىن بوساتىپ، 11 ايعا جۋىق پروباسيالىق باقىلاۋدا ۇستاۋعا شەشىم شىعارعان.

ەسكە سالا كەتەيىك، نارىمبايەۆ 2010 جىلى نۇرسۇلتان نازاربايەۆتىڭ وتستاۆكاعا كەتۋىن تالاپ ەتكەن جيىندا "نازاربايەۆ، كەت!" دەپ ۇرانداتقان بولاتىن. 2015 جىلى الەۋمەتتىك جەلىدەگى جازباسى ارقىلى "ارازدىق تۋدىردى" دەپ ايىپتالىپ، 3 جىلعا سوتتالعان. كەيىننەن بۇل شارتتى تۇردەگى جازاعا اۋىستىرىلعان. وسى كەزدە بەلسەندى جەكە باسىنا ءقاۋىپ تونگەنىن ايتىپ، ۋكرايناعا كەتىپ قالعان بولاتىن. الايدا 2022 جىلدىڭ اقپانىندا قازاقستانعا قايتىپ ورالىپ، اۋەجايدا تۇتقىندالىپ، قاماۋعا الىنعان ەدى.