الماتى وبلىسىندا جۇرگىزۋشىلەردىڭ جانتۇرشىگەرلىك جانجالىنا قاتىستى ءىس بويىنشا قىلمىستىق ءىس توقتاتىلدى.

پوليسەيلەردىڭ مالىمەتىنشە، جامبىل اۋداندىق پوليسيا بولىمىنە جابىرلەنۋشىنىڭ كۇدىكتىمەن تاتۋلاسقان جانە قىلمىستىق ءىستى توقتاتۋدى سۇراعان ارىزى كەلىپ تۇسكەن. وسىعان بايلانىستى قىلمىستىق ءىس قىلمىستىق كودەكستىڭ 68-بابىنىڭ 1-35 بولىگى 12 تارماعى نەگىزىندە توقتاتىلدى.

ەسكە سالا كەتەيىك، وقيعا 28 ماۋسىمدا الماتى وبلىسىندا الماتى-بىشكەك تاس جولىندا بولعان. كولىكتەردىڭ ءبىرىنىڭ اشۋلى جۇرگىزۋشىسى سول جاق جولاقتاعى باسقا كولىكتى توقتاتىپ، ءوزى كولىك تەرەزەسىنەن شىعىپ، توقتاتقان كولىكتىڭ كاپوتىنا شىعىپ، ونىڭ الدىڭعى اينەگىن اياعىمەن سىندىرعان. ودان كەيىن تومەن ءتۇسىپ، جۇرگىزۋشىنىڭ بۇيىرىندەگى تەرەزەنى جۇدىرىعىمەن سىندىرىپ، جۇرگىزۋشىنى شىعارىپ الماق بولعان. ول كەزدە كولىكتە جۇرگىزۋشىدەن بولەك ايەلى مەن بالاسى بولعان.

وسىدان كەيىن پوليسەيلەر بۇل دەرەك قك-نىڭ 293-بابىنىڭ 1-بولىگىندە كوزدەلگەن قىلمىستىق قۇقىقبۇزۋشىلىق دەرەگى بويىنشا اۋداندىق ءىىب-نىڭ تجد-دا تىركەلگەنىن حابارلادى. كۇدىكتى 1993 جىلى تۋعان ك. ەسىمدى ەر ادام ۇستالىپ، ونىڭ كولىگى ۇزىناعاش اۋىلىنداعى مامانداندىرىلعان ايىپپۇل تۇراعىنا جەتكىزىلدى.