جامبىل وبلىسىنداعى اسپارا ستانسياسىنداعى جۇك ۆاگوندارى جولدان شىعىپ كەتتى، دەپ حابارلايدى قازاقستان تەمىر جولى كومپانياسىنىڭ باسپا ءسوز قىزمەتى.
كومپانيانىڭ مالىمەتىنشە، 17 شىلدە ساعات 01:05-تە تۇركسىب-شۋ ۋچاسكەسىنىڭ اسپارا ستانسياسىندا جۇك ۆاگوندارىنىڭ جولدان شىعىپ كەتكەن. قۇربان بولعاندار مەن زارداپ شەككەندەر جوق. وقيعا ورنىندا جوندەۋ-قالپىنا كەلتىرۋ جۇمىستارى جۇرگىزىلىپ جاتىر.
"اتالعان جاعداي جولاۋشىلار پويىزدارىنىڭ ءجۇرۋ كەستەسىنە اسەر ەتتى. بارلىق پويىز اۋىز سۋمەن قامتاماسىز ەتىلگەن، ۆاگون-مەيرامحانالار جۇمىس ىستەپ تۇر"، - دەلىنگەن كومپانيا حابارلاماسىندا.
ورىن العان جاعدايدىڭ سەبەپتەرىن انىقتاۋ ءۇشىن "قازاقستان تەمىر جولى" ۇلتتىق كومپانياسىندا ارنايى كوميسسياسى قۇرىلدى.
پىكىر قالدىرۋ