ق ر ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆا پاۆلودار وبلىسىنداعى كورياكوۆكا كولى تۋرالى پىكىر ءبىلدىردى. ءمينيستردىڭ ايتۋىنشا، كولدى اينايى زەرتتەيتىن كوميسسيا قۇرىلادى.
"قازاقستانداعى ەكىنشى ايگىلى قىزعىلت كول كورياكوۆكاعا زەرتتەۋ جۇرگىزىلەدى. كوميسسيا جۇمىسىنىڭ ناتيجەلەرى ەكولوگيا جانە تابيعي رەسۋرستار مينيسترلىگىنىڭ سايتىندا باق-تا جاريالانادى"، – دەدى سۇلەيمەنوۆا.
بۇعان دەيىن الەۋمەتتىك جەلىدە پاۆلودار ماڭىندا ورنالاسقان كورياكوۆكا كولىن بىرەۋ كەپتىرىپ، سول جەردەن تۇز ساتادى دەگەن اقپارات تاراعان بولاتىن.
ەكولوگيا مينيسترلىگى تۇزدى زاڭسىز ءوندىرۋ فاكتىسى راستالعانىن ايتتى. بۇل رەتتە ۆەدومستۆو "ونەركاسىپتىك كولەمدە ءوندىرۋ بولماعان، جەرگىلىكتى تۇرعىندار وزدەرىنىڭ قاجەتتىلىكتەرىن قاناعاتتاندىرۋ ءۇشىن قارابايىر تاسىلدەرگە جۇگىنگەن" دەپ اتاپ ءوتتى.
سونداي-اق، مينيسترلىك كول سۋى قىستا قاردىڭ ازدىعىنان جانە جىل باسىنان بەرى ەرىگەن سۋدىڭ بولماعانىنان تومەندەگەنىن حابارلادى.
