2024 جىلدان باستاپ رەسەيدە 30 جاسقا دەيىنگى ازاماتتار اسكەرگە شاقىرىلاتىن بولادى. بۇل تۋرالى رەسەي مەملەكەتتىك دۋماسى قورعانىس جونىندەگى كوميتەتىنىڭ باسشىسى اندرەي كارتاپولوۆ مالىمدەدى. 

"زاڭ جوباسىن 2024 جىلعى 1 قاڭتاردان باستاپ كۇشىنە ەنگىزۋ ۇسىنىلىپ وتىر، ياعني بۇل ەرەجەلەر كۇزگى اسكەرگە شاقىرۋ ناۋقانىنا تارالمايدى. ماسەلەن 2023 جىلى 31 جەلتوقساندا 27 جاسقا تولعاندارعا 1 قاڭتاردان جاڭا زاڭ قولدانىلمايدى. العاشقى اسكەرگە شاقىرۋ – 2024 جىلدىڭ كوكتەمى، ول جاڭا ەرەجەلەر بويىنشا وتەدى"، - دەدى كارتاپولوۆ.

جاڭا نورما 2024 جىلى كوكتەمگى اسكەرگە شاقىرۋ ناۋقانىنان باستاپ كۇشىنە ەنەدى. زاڭ جوباسىندا اسكەرگە شاقىرۋ جاسىن 18-دەن 30 جاسقا دەيىن كوتەرۋ كوزدەلگەن. ءتيىستى تۇزەتۋ ءبىرىنشى وقىلىمدا ماقۇلدادى.