الماتى قالاسىنىڭ ءماسليحاتى ءبىر مانداتتى دەپۋتاتتار بويىنشا وكرۋگتەر كارتاسىن ۇسىندى. ەندى الماتىلىقتار ءماسليحات سايتىنداعى «وكرۋگتەر كارتاسى» قوسىمشا بەتىندە ءوز وكرۋگىنىڭ دەپۋتاتى تۋرالى اقپاراتتى وڭاي كورە الادى (https://www.gov.kz/memleket/entities/maslihat-almaty).

كارتاداعى ءاربىر وكرۋگ دەپۋتات تۋرالى تولىق مالىمەتتەرمەن، سونىڭ ىشىندە ونىڭ فوتوسۋرەتى مەن بايلانىس دەرەكتەرىمەن ايقىندالعان. سايلاۋ وكرۋگىنىڭ شەكارالارى دا بەلگىلەنگەن.

«ەندى ءاربىر تۇرعىن كارتادان مەكەنجايىن تاڭداپ، ءوز دەپۋتاتىن تابا الادى. سونىمەن قاتار، ءوتىنىش قالدىرىپ، جەكە قابىلداۋعا جازىلۋعا مۇمكىندىك بار. بۇل قادام تۇرعىندار مەن سايلانعان دەپۋتاتتار اراسىنداعى ءوزارا بايلانىستى جاقسارتۋ جانە تيىمدىلىكتى ارتتىرۋ ءۇشىن جاسالدى»، - دەپ اتاپ ءوتتى قالالىق ءماسليحات ءتوراعاسى مەيىرجان وتىنشييەۆ.

ايتا كەتەيىك، وكرۋگتەر كارتاسى الماتى قالاسىنىڭ سيفرلاندىرۋ باسقارماسىمەن بىرلەسىپ ازىرلەندى.