ورال قالالىق سوتى پارا الدى دەپ ايىپتالعان بقو مەملەكەتتىك مۇلىك جانە جەكەشەلەندىرۋ دەپارتامەنتىنىڭ بۇرىنعى باسشىسى دارحان قۋانىشيەۆقا سوت ۇكىمىن وقىدى.

60 جاستاعى شەنەۋنىك ق ر قك 366-بابى 2-بولىگىنە (ايتارلىقتاي مولشەردە پارا الۋ) سايكەس ايىپتى دەپ تانىلدى. سوت وعان پارانىڭ 30 ەسەلەپ، ياعني، 19،5 ملن تەڭگە كولەمىندە ايىپپۇل سالدى.

سونىمەن قاتار ول مەملەكەتتىك باسقارۋ ورگاندارىندا لاۋازىمدى قىزمەت اتقارۋ قۇقىعىنان ءومىر بويىنا ايىرىلدى.

شەنەۋنىككە پارا بەردى دەپ ايىپتالعان كاسىپكەر ميربولات مۇحامەدزيانوۆ تا كىنالى دەپ تانىلدى. الايدا شىن وكىنۋىنە بايلانىستى ق ر قك 65-بابى 1-بولىگى نەگىزىندە قىلمىستىق جاۋاپكەرشىلىكتەن بوساتىلدى.

ەسكە سالا كەتەيىك، شەنەۋنىك كاسىپكەردەن جالپى سوماسى 650 مىڭ تەڭگە  پارا العان.