بۇگىننەن باستاپ "FlyArystan" كومپانياسىنىڭ حالىقارالىق رەيستەرىنە اۋەجايدا تىركەلۋ قىزمەتى اقىلى بولادى. ال ونلاين تىركەلۋ تەگىن بولىپ قالا بەرەدى، دەپ حابارلايدى Sputnik قازاقستان.
رەيسكە تەگىن ونلاين تىركەلۋ FlyArystan ءموبيلدى قوسىمشاسى نەمەسە flyarystan.com سايتىندا "تىركەلۋ" باتىرماسى ارقىلى جاسالادى. ال 2023 جىلدىڭ 3 تامىزىنان باستاپ ۇشىپ شىعاتىن حالىقارالىق رەيستەرگە اۋەجايدا تىركەلۋ قىزمەتى اقىلى بولادى.
-
اۋەجايدا رەيستىڭ الدىندا تىركەۋ باعاناسىنان تىركەۋدەن ءوتۋ - 10 000 تەڭگە (20 ەۆرو).
-
حالىقارالىق رەيستەرگە ونلاين تىركەلۋ رەيسكە 30 كۇن بۇرىن اشىلىپ، 60 مينۋت قالعاندا جابىلادى.
"حالىقارالىق رەيستەرگە ونلاين تىركەلۋ كەزىندە وتىرعىزۋ تالونى بەرىلمەيدى، قاۋىپسىزدىك ماقساتىندا، قاجەتتى قۇجاتتاردى تەكسەرىپ، وتىرعىزۋ تالونىن باسىپ شىعارۋ ءۇشىن تىركەۋ باعاناسىنا مىندەتتى تۇردە كەلۋ قاجەت"، - دەيدى كومپانيا ماماندارى.
