الماتى قالالىق سوتى وليگارح وريفجون شادييەۆكە قاتىستى ۇكىمدى وزگەرتتى، دەپ حابارلايدى Ulysmedia.kz.

ەستەرىڭىزگە سالا كەتەيىك، 21 شىلدەدە الماتى قالاسىنىڭ المالى اۋداندىق سوتى وريفجان شادييەۆتى Asia Credit Bank-كە 16،7 ملرد تەڭگە كولەمىندە زالال كەلتىرگەنى ءۇشىن 1،5 جىلعا باس بوستاندىعىنان ايىرعان. ونىڭ كومەكشىسى ميحايل سولوۆيەۆ ءبىر جىلعا سوتتالدى.

اپەللياسيالىق ساتى ەكى سوتتالۋشىنىڭ ۇكىمىن پروباسيالىق باقىلاۋمەن باس بوستاندىعىن شەكتەۋگە وزگەرتتى. سوت ەكەۋىن دە قاماۋدان دەرەۋ بوساتۋ تۋرالى شەشىم شىعاردى.

الايدا شادييەۆ پەن سولوۆيەۆكە قارجى سەكتورىندا باسشىلىق لاۋازىمدار اتقارۋعا ءومىر بويىنا تىيىم سالىندى.

ءىس ماتەريالدارىنا سايكەس، 2019 جىلى شادييەۆ Asia Credit Bank يەسى نۇربول سۇلتانمەن بانك اكسيالارىن ساتىپ الۋ تۋرالى كەلىسىم جاساستى. ءبىراق بۇل ءۇشىن بەس كومپانيانىڭ نەسيەلەرىن وتەۋ قاجەت بولدى. شادييەۆ قارىز مىندەتتەمەلەرىن ءوز موينىنا الدى (16،7 ملرد تەڭگە) جانە اكسيالاردى ساتىپ الدى. قارىزداردىڭ ورنىنا الماتىدا جالپى قۇنى 25 ملرد تەڭگەدەن اساتىن جەتى جەر ۋچاسكەسىمەن ۇسىنىلدى. تەرگەۋ مالىمەتتەرى بويىنشا، 2021 جىلى شادييەۆ پەن سولوۆيەۆ ولاردى نارىقتىق قۇنى 46،8 ملرد تەڭگەنى قۇرايتىن ءبىر ۋچاسكەگە اۋىستىرۋ تۋرالى شەشىم قابىلدادى.