پوليسيا باسقارماسىنا 34 جاستاعى قالا تۇرعىنى ارىزداندى. ول بەلگىلى ءبىر ادامنىڭ وزىنە كۇش قولدانىپ، قورقىتۋ ارقىلى 2 ملن تەڭگە بوپسالاعانى تۋرالى حابارلادى.
قاراعاندى وبلىستىق پد ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى "ارلان" جاۋىنگەرلەرىمەن بىرلەسىپ جۇرگىزگەن كەشەندى جەدەل-ىزدەستىرۋ ءىس-شارالارى بارىسىندا 28 جاستاعى ەر ادامدى ۇستادى.
كۇدىكتىنىڭ تۇرعىلىقتى مەكەنجايىنا جۇرگىزىلگەن ءتىنتۋ جۇمىستارى كەزىندە كاستەت جانە پنيەۆماتيكالىق تاپانشا تاركىلەندى.
اتالعان دەرەككە بايلانىستى قىلمىستىق كودەكستىڭ 194-بابىنا "بوپسالاۋ" سايكەس قىلمىستىق ءىس قوزعالدى.
كۇدىكتى ۋاقىتشا ۇستاۋ يزولياتورىنا قامالدى.
پىكىر قالدىرۋ