ۇلىتاۋ وبلىسىندا قۇنى شامامەن 300 ملن تەڭگە بولاتىن 13 مىڭ مەتردەن استام قۇبىر ۇرلانعان، دەپ حابارلايدى قارجىلىق مونيتورينگ اگەنتتىگى.
"مەملەكەتتىك مەكەمەنىڭ بۇرىنعى باسشىسى ءبىر توپ اداممەن الدىن الا ءسوز بايلاسىپ، جالپى سوماسى 288 ملن تەڭگەدەن استام مەملەكەت مۇلكىن ۇرلاعانى انىقتالدى"، - دەلىنگەن حابارلامادا.
ۇرلىق فاكتىسىن انىقتاۋ كەزىندە لاۋازىمدى تۇلعا اتالعان نىساننىڭ مەملەكەتتىك ورگاننىڭ بالانسىندا جوقتىعى تۋرالى جالعان انىقتامالار بەرىپ، تەرگەۋدى قاساقانا جاڭىلىستىرعان.
بۇل قۇبىر جەزقازعان قالاسىنىڭ اۋەجايى ماڭىندا ورنالاسقان ساياجاي ۋچاسكەلەرىن سۋمەن قامتاماسىز ەتۋگە ارنالعان.
ايتا كەتەيىك، قازىرگى ۋاقىتتا اتالعان ازامات كوممۋنالدىق كاسىپورىننىڭ قىزمەتكەرى ەمەس. قىلمىستىق ءىس سوتقا جولداندى.
پىكىر قالدىرۋ