الماتىدا 40 شەت ەل ازاماتى ەلدەن شىعارىلدى. بۇل تۋرالى كوشى-قون قىزمەتى ءمالىم ەتتى.

شەتەلدىك ازاماتتار قازاقستان رەسپۋبليكاسىنىڭ حالىقتىڭ كوشى-قونى تۋرالۆ زاڭناماسىن بۇزعان. ولار ەلدە زاڭسىز جۇرگەن.

"ءبىر اپتانىڭ ىشىندە 216 شەتەلدىك اكىمشىلىك جاۋاپكەرشىلىككە تارتىلدى. ونىڭ ىشىندە 38 الىس شەتەل ازاماتى (افريكا ەلدەرىنەن – 17؛ تۇركيادان 11 ادام)،كورشىلەس ەلدەردىڭ 178 ازاماتى بار. سونىمەن قاتار، 105 شەتەل ازاماتىنىڭ (وزبەكستاننان – 66، تاجىكستاننان – 25 جانە نيگەريادان – 8) جەكە باسىن كۋالاندىراتىن قۇجاتى بولماي، قابىلداپ-تاراتۋعا ورنالاستىرىلدى. سوت شەشىمىمەن قازاقستاننان 40 شەتەلدىك شىعارىلدى. ونىڭ 22ء-سى – وزبەكستان ازاماتى، 11ء-ى – نيگەريا ازاماتى" – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.

سونداي-اق، قازاقستان رەسپۋبليكاسىنىڭ كوشى-قون زاڭناماسىن ورەسكەل بۇزىپ، شەتەل ازاماتتارىن قابىلداعان 54 جەكە جانە زاڭدى تۇلعا اكىمشىلىك جاۋاپكەرشىلىككە تارتىلدى.