ءمينيستردىڭ ايتۋىنشا، بۇل شارانىڭ نەگىزگى ماقساتى – زورلىق-زومبىلىقتى ازايتۋ. ايتپەسە، مەكتەپ وقۋشىلارى اراسىندا مما ادىستەرىن قولدانۋ ارەكەتتەرى جيىلەپ كەتكەن.
"تەلەارنالاردا زورلىق-زومبىلىقتى ازايتۋ ماقساتىندا ەرەجەسىز جەكپە-جەك سياقتى سپورت تۇرلەرىنە دە شەكتەۋ قويىپ جاتىرمىز. سەبەبى كوپ جاعدايدا سونداي باعدارلامالاردى كورگەن جەتكىنشەكتەر، اسىرەسە، مەكتەپ بالالارى سول ادىس-تاسىلدەردى قولدانۋ ماقساتىندا كەيدە بىر-بىرىنە قول كوتەرىپ جاتادى. ءبىز ونى كەيدە بايقاماي، WhatsApp ارقىلى تاراتىپ جاتامىز. مىسالى، قىزداردىڭ توبەلەسىپ جاتقانىن نەمەسە ەر بالالاردىڭ ءبىر-بىرىن اياۋسىز ۇرىپ جاتقانى جايلى ۆيدەولار شارلاپ جۇرەدى. ال زورلىق-زومبىلىق نەمەسە قاتىگەزدىك كەرىسىنشە، سول قىتىگەزدىكتى تۋعىزاتىنى بەلگىلى"، - دەيدى ءقىدىرالى.
ونىڭ ايتۋىنشا، 6 ايدا جاستار اراسىندا 252 قىلمىس تىركەلگەن. سونىڭ باسىم بولىگى قاتىگەزدىك ارەكەت. بۇدان بولەك، بيىل جارتى جىلدا زورلىق-زومبىلىقتى ناسيحاتتايتىن 219 كونتەنت انىقتالعان.
پىكىر قالدىرۋ