قورعانىس ءمينيسترى رۋسلان جاقسىلىقوۆ جۋرناليستەردىڭ بەلارۋستەگى ۇقشۇ-نىڭ الداعى وقۋ-جاتتىعۋلارى تۋرالى سۇراقتارىنا جاۋاپ بەردى. مينيستر ۇجىمدىق قاۋىپسىزدىك جونىندەگى شارت ۇيىمىنىڭ وقۋ-جاتتىعۋىنا قاتىسۋ ءۇشىن قارۋلى كۇشتەردىڭ 11 اسكەري قىزمەتشىسى بەلارۋسكە كەتكەنىن راستادى.
"ينتەرنەتتەگى قازاقستاننىڭ اسكەري تەحنيكا جىبەرگەنى تۋرالى اقپاراتتار – جالعان. بارلىق تەحنيكالار ءوز ورنىندا تۇر. ال 11 ادامنان قۇرالعان جەدەل توپ بەلارۋسكە كەتكەنى راس. بۇل باسقارۋ ورىندارىنىڭ جۇمىسى بولىپ تابىلادى"، دەيدى مينيستر.
بۇدان بولەك مينيستر وقۋ-جاتتىعۋدىڭ ۋكراينامەن شەكارالاس ايماقتا ءوتىپ جاتقانى تۋرالى سۇراققا جاۋاپ بەردى.
"بۇل جەردە ۋكراينانىڭ قاتىسى قانشا؟ بەلارۋس - ۇقشۇ قۇرامىنداعى تاۋەلسىز مەملەكەت. وقۋ-جاتتىعۋ وتەتىن جەر دە الدىن-ادا حابارلانادى. ەشقانداي قاۋىپ-قاتەر جوق. سونداي-اق بىزدە ۇقشۇ شتابى بار. وندا ارنايى ترەنينگتەر مەن ساباقتار وتەدى. قازاقستان ءوزىنىڭ بارلىق حالىقارالىق مىندەتتەمەلەرىن ورىندايدى"، دەپ جاۋاپ بەردى رۋسلان جاقسىلىقوۆ.
پىكىر قالدىرۋ