بۇرىن شىمكەنت پوليسياسىن باسقارعان پوليسيا گەنەرال-مايورى قايرات دالبەكوۆ روتاسيا تارتىبىمەن ەندى الماتى قالاسى، الماتى وبلىسى جانە جەتىسۋ وبلىسى بويىنشا جاڭادان قۇرىلعان قاجد باستىعىنىڭ مىندەتىن اتقاراتىن بولادى، دەپ حابارلايدى Ulysmedia.kz.
قايرات سۇلتانباي ۇلى دالبەكوۆ 1963 جىلى وڭتۇستىك قازاقستان وبلىسىندا دۇنيەگە كەلگەن. ىشكى ىستەر ورگاندارىندا 1989 جىلدان باستاپ قىزمەت اتقارادى. ورتا جانە اعا باسشى قۇرامنىڭ ءارتۇرلى جەدەل لاۋازىمدارىندا قىزمەت اتقارعان. 2018 جىلدان 2022 جىلعا دەيىن تۇركىستان وبلىسىنىڭ پوليسيا دەپارتامەنتىن باسقارعان. وتكەن جىلدىڭ اقپانىنان بەرى شىمكەنت قالالىق پوليسيا دەپارتامەنتىنىڭ باسشىسىن قىزمەتىن اتقاردى.
كەيبىر دەرەكتەر بويىنشا، دالبەكوۆ – ەكس-پرەزيدەنت نۇرسۇلتان نازاربايەۆتىڭ قارىنداسى ءانيپا نازاربايەۆانىڭ قۇداسى.
دالبەكوۆتىڭ ورنىن پوليسيا گەنەرال-مايورى دۋمان تايەۆ باستى.
شىمكەنت قالاسى پوليسيا دەپارتامەنتىنىڭ جاڭا باسشىسى 1967 جىلى سولتۇستىك قازاقستان وبلىسىندا دۇنيەگە كەلگەن. ىشكى ىستەر ورگاندارىندا قىزمەتىن 1988 جىلى باستاعان. ءار جىلدارى پوليسيا بولىمشەلەرىندە باسشىلىق قىزمەتتەر اتقاردى. سوڭعى لاۋازىمى - اقمولا وبلىسى پد باستىعى.
پىكىر قالدىرۋ