مەملەكەت باسشىسىنىڭ تاپسىرماسى بويىنشا «100 زاماناۋي ءوقۇشىلار سارايىن سالۋ» باعدارلاماسىن جۇزەگە اسىرۋ اياسىندا الماتى اكىمى ەربولات دوسايەۆ الداعى وقۋ جىلى قارساڭىندا الاتاۋ اۋدانىندا جاڭا يننوۆاسيالىق شىعارماشىلىق ورتالىعىن اشتى.

ەسكە سالساق، ناۋرىزباي اۋدانىنداعى مەكتەپ جاسىنداعى بالالارعا ارنالعان العاشقى يننوۆاسيالىق شىعارماشىلىق ورتالىقتى پرەزيدەنت قاسىم-جومارت توقايەۆ وسى جىلدىڭ ماۋسىم ايىندا الماتىعا جۇمىس ساپارى بارىسىندا اشقان بولاتىن.

ورتالىقتى ارالاۋ بارىسىندا ەربولات دوسايەۆ الاتاۋ اۋدانىن الەۋمەتتىك-دەموگرافيالىق تۇرعىدان ەڭ قارقىندى دامىپ كەلە جاتقان اۋدانداردىڭ قاتارىنا جاتاتىنىن، جاڭا ورتالىقتىڭ اشىلۋى ماڭىزدى ءارى زاماناۋي ەكەنىن اتاپ ءوتتى. مەگاپوليستەگى 302 مىڭ وقۋشىنىڭ 55 مىڭنان استامى الاتاۋ اۋدانىنا تيەسىلى. بيىلعى جىلى ءبىرىنشى سىنىپقا 6200 بالا قابىلداندى-بۇل قالا بويىنشا ەڭ جوعارى كورسەتكىش. وتىنىشتەردى قابىلداۋ 1 قىركۇيەكتە باستالادى، ال قىركۇيەكتىڭ ورتاسىنان باستاپ بالالار 33 ءتۇرلى ۇيىرمەگە قاتىسا الادى. ورتالىق اپتاسىنا 5 مىڭعا دەيىن بالانى قابىلدايدى.

«باستى مىندەت – بالالارىمىزعا جاقسىنىڭ ءبارىن بەرۋ. جاڭا ورتالىق اۋدان مەكتەپتەرى مەن بالاباقشالارعا قادامدىق قولجەتىمدىلىكتە ارنايى اشىلدى جانە ەڭ جوعارى ستاندارتتار بويىنشا ءبىلىم بەرۋ تەحنولوگيالارىمەن جابدىقتالعان. وسى ورتالىقتىڭ اشىلۋى بارىسىندا الاتاۋ اۋدانىندا وقۋشىلار مەن ولاردىڭ اتا-انالارىنا ىڭعايلى ءبىلىم بەرۋ كلاستەرى قۇرىلدى. ازىرلەنگەن باعدارلامالارى بار سەكسيالار بالالارعا مەكتەپتە العان بىلىمدەرىن تەرەڭدەتۋگە جانە كەڭەيتۋگە مۇمكىندىك بەرەدى»، - دەدى ەربولات دوسايەۆ ورتالىق وقىتۋشىلارىنا   ارناعان سوزىندە جانە  ولارعا تابىس تىلەدى.

اكىم تىگىن شەبەرحاناسىنا، اسپازدىق ستۋدياسىنا، سپورت زالدارىنا، اكتەرلىك شەبەرحانا ستۋدياسىنا، مۋزىكالىق ستۋديا مەن دىبىس جازۋ ستۋدياسىنا، قىسقى باقتا ورنالاسقان ارت-ستۋدياعا باردى. ورتالىقتا كوۆوركينگ ايماعى، بالالاردىڭ كوڭىلىن كوتەرۋگە ارنالعان ينتەراكتيۆتى پروەكسيالىق زال جانە وقۋشىلارعا ارنالعان دەمالىس ايماعى، اشىق تەرراسا بار.

ورتالىقتىڭ ەرەكشەلىگى-كلاسسيكالىق باعىتتاردان باسقا، زاماناۋي باعىتتار دا قاراستىرىلعان، ولار: مودەلدەۋ، VR سىنىپتارى، اۆيامودەلدەۋ، ونەركاسىپتىك ديزاين. بۇل رەتتە ورتالىقتاعى ساباقتار كاسىپتىك باعدار بەرۋ فۋنكسياسىن ورىندايدى: ستۋديالاردىڭ كوللەدجدەرمەن جانە جوعارى وقۋ ورىندارىمەن بايلانىسى بار. مىسالى، اسپازدىق ستۋدياسى – سەرۆيستىك قىزمەت كورسەتۋ كوللەدجىنىڭ اسپازدىقەنسيي بويىنشا قۇزىرەتتىلىك ورتالىعىمەن، ال فيزيكا جانە حيميا زەرتحانالارى-الماتىنىڭ جوعارى وقۋ ورىندارىمەن.

وسى باعىتتا ەربولات دوسايەۆ WorldSkills فورماتىنداعى كوپتەگەن چەمپيوناتتارعا قاتىساتىن تاجىريبەلى تالىمگەرلەر مەن بەيىندى جوعارى وقۋ ورىندارى مەن كوللەدج ستۋدەنتتەرى ۇسىنعان ءبىلىم الۋشى بالالار مەن وقىتۋشىلار قۇرامى اراسىنداعى شىعارماشىلىق ىنتىماقتاستىقتى دامىتۋ قاجەتتىگىن اتاپ ءوتتى.

ورتالىقتا ەرەكشە قاجەتتىلىكتەرى بار بالالاردى ساباققا تارتۋ ءۇشىن مۇمكىندىكتەر جاسالعان. مىسالى، ۇساق موتوريكانى دامىتۋعا باعىتتالعان سەكسيالار قاراستىرىلعان. سونىمەن قاتار، اكىم ەربولات دوسايەۆ ۆيرتۋالدى شىندىق كابينەتىنىڭ باعدارلامالارىن ينكليۋزيۆتى وقىتۋ ءۇشىن بەيىمدەۋ مۇمكىندىگىن قاراستىرۋدى تاپسىردى.

 سونىمەن قاتار لوگوپەدتەر، دەفەكتولوگتار، پسيحولوگتار جۇمىس ىستەيتىن ەدش-زالدار مەن كوررەكسيالىق كابينەتتەر قاراستىرىلعان. تۇتاستاي العاندا، ورتالىقتىڭ بۇكىل اۋماعىندا، تەرراسانى قوسا العاندا، مۇمكىندىگى شەكتەۋلى توپتاردىڭ قوزعالۋىنا جاعداي جاسالعان.

وقىتۋشىلار قۇرامىمەن قورىتىندى اڭگىمەسىن تۇيىندەگەن ەربولات دوسايەۆ اكىمدىكتىڭ پوليورتالىق قاعيداتى بويىنشا تاعى بەس يننوۆاسيالىق شىعارماشىلىق ورتالىقتى مودەرنيزاسيالاۋ جانە سالۋ جونىندەگى نيەتىن راستادى.