31 تامىزدا اقتوبە سوتى قاڭتار وقيعاسىنان سوڭ زاڭسىز قۋدالانعان اسلانبەك وماروۆقا 3،5 ملن تگ ءوندىرىپ بەرۋ تۋرالى شەشىم شىعارىپ، سوت ونىڭ تالاپ-ارىزىن ءىشىنارا قاناعاتتاندىردى.

وماروۆ سوت شەشىمىنە قاناعاتتانباسا دا، اپەللياسيا القاسىنا جۇگىنبەيتىنىن  ايتتى. بۇعان دەيىن اسلانبەك وماروۆ مەملەكەتتەن 40 ملن تەڭگە تالاپ ەتكەن ەدى. بۇل تۋرالى ازاتتىق راديوسى جازدى.  

"زاڭسىز قۋدالانعانىم وزىمە دە، وتباسىما دا كوپ زيانىن تيگىزدى. ايەلىم ول كەزدە جۇكتى ەدى. وتە اۋىر بوساندى. مەنىڭ دە دەنساۋلىعىم ناشارلاپ كەتتى. تۇرمەدەگى ءبىر كۇنىمدى جاۋىما دا تىلەمەس ەدىم. مەن قامالعان سوڭ جۇكتى ايەلىم مەن ەكى جاسار قىزىم اسىراۋشىسىز قالدى" – دەدى ول.

ەسكە سالا كەتەيىك، اسلانبەك وماروۆ 2022 جىلى 9 قاڭتار كۇنى ۇستالىپ، ءتورت اي تەرگەۋ يزولياتورىندا وتىرعان بولاتىن. كەيىننەن ول بەس اي ءۇيقاماققا اۋىستىرىلىپ، تاعى بەس اي ەشقايدا شىقپاۋ تۋرالى قولحاتپەن جۇرگەن بولاتىن.