"قازاقستان تەمىر جولى" ۇلتتىق كومپانياسى جولاۋشىلار مەن جۇك باگاجىن بيلەتسىز وتكىزەتىن دەلدالدارعا قارسى شارالار كۇشەيتىلەتىنىن حابارلادى.
ارنايى كەڭەستە ءبىرقاتار شەشىمدەر ازىرلەندى. ولار:
-
پويىزداردا تەكسەرىستەردى كوبەيتۋ، بيلەتتىڭ بار-جوعىن قاراۋ؛
-
كولىك پوليسياسى ناريادتارى بار پويىزدار سانىن بارىنشا ارتتىرۋ؛
-
تەمىرجول ۆوكزالدارىندا بەينەباقىلاۋ كامەرالارىن ورناتۋ جۇمىستارىن جالعاستىرۋ؛
بۇدان بولەك، جولاۋشىلارمەن جۇمىس ىستەيتىن قىزمەتكەرلەردىڭ لاۋازىمدىق نۇسقاۋلىقتارىنا ءۇشىنشى تۇلعالارعا بيلەتسىز جول جۇرۋگە جانە رەسىمدەلمەگەن باگاجدى تاسىمالداۋعا زاڭسىز كومەك كورسەتكەنى ءۇشىن جاۋاپكەرشىلىكتى ەنگىزىلەدى. جولسەرىكتەر دە زاڭ الدىندا جاۋاپ بەرەدى.
ايتا كەتەرى، اكىمشىلىك قۇقىق بۇزۋشىلىق تۋرالى كودەكستىڭ 623-بابىندا جولاۋشىلاردى بيلەتسىز تاسىمالداعانى ءۇشىن جاۋاپكەرشىلىك نورماسى قاراستىرىلعان:
- حالىقارالىق قاتىناس پويىزدارىندا – 7 اەك (24 150 تەڭگە) مولشەرىندە ايىپپۇل؛
- رەسپۋبليكانىڭ ىشىندەگى پويىزداردا – 5 اەك (17 250 تەڭگە) مولشەرىندە ايىپپۇل.
سونداي-اق، 2020 جىلدان باستاپ قازاقستاندا بيلەتتەردى قايتا ساتقانى ءۇشىن ايىپپۇل سوماسى 100-دەن 500 اەك-كە دەيىن (265 مىڭنان 1،3 ملن تەڭگەگە دەيىن) قۇرايدى.
پىكىر قالدىرۋ