مەكتەپتەگى ورامال تاعۋ ماسەلەسىنە بايلانىستى ءمۇفتيات رەسمي مالىمدەمە جاسادى. بۇعان دەيىن مەكتەپ فورماسىنا ورامالدى ەنگىزۋ تۋرالى ۇسىنىستار ايتىلعان بولاتىن.
"شاريعات بويىنشا باليعات جاسىنا تولعان مۇسىلمان قىزعا ورامال تاعۋ – پارىز. سول سەكىلدى ءبىلىم الۋدىڭ دا ۇكىمى – پارىز. ءمۇفتيات شاريعات بويىنشا باليعات جاسىنا تولعان مۇسىلمان قىزعا ورامال تاعۋ پارىز ەكەنىن جوققا شىعارعان ەمەس. سونداي-اق ورامال تاعۋ – ۇلتتىق ءداستۇرىمىز. مۇنى مۇسىلمان قاۋىمى تەرەڭ ءتۇسىنۋى ءتيىس. الايدا شاريعاتىمىز باليعات جاسىنا تولماعان قىزعا ورامال تاعۋدى مىندەتتەمەيدى. مۇنى دا مۇسىلمان جاماعاتى دۇرىس ءتۇسىنۋى كەرەك"، دەلىنگەن حابارلامادا.
سونداي-اق قمدب بۇل ماسەلەگە قاتىستى مەملەكەتتىك مەكەمەلەرگە ءبىرقاتار ۇسىنىس جىبەرگەن.
"جىل سايىن جاڭا وقۋ جىلى قارساڭىندا وقۋشى قىزداردىڭ مەكتەپكە ورامال تاعىپ بارۋىنا قاتىستى قوعامدا ءتۇرلى پىكىرلەر ايتىلادى. بۇل ماسەلە ءمۇفتيات قىزمەتكەرلەرىن دە بەيجاي قالدىرمايدى. قمدب ءوز قۇزىرەتى اياسىندا بۇل ماسەلەگە قاتىستى وكىلەتتىك مەملەكەتتىك مەكەمەلەرگە ءتيىستى ۇسىنىستار بەردى. مۇسىلمان جاماعاتىنىڭ ءوتىنىشى ەسكەرىلىپ، وڭ شەشىم قابىلدانادى دەپ ۇمىتتەنەمىز"، دەپ حابارلادى قمدب وكىلى.
پىكىر قالدىرۋ